ەلوردادا قاي جىلعى ۇيلەر ءسۇرىلۋى مۇمكىن
«قازاقپارات» ح ا ا اكىمدىكتەن بۇل جوباعا قاي جىلى سالىنعان ۇيلەر كىرەتىنىن سۇراپ ءبىلدى. رەداكسيانىڭ ساۋالىنا جاۋاپ بەرگەن نۇر-سۇلتان قالاسىنىڭ تۇرعىن ءۇي جانە تۇرعىن ءۇي ينسپەكسياسى باسقارماسىنىڭ ماماندارى سۇرىلەتىن ۇيلەردىڭ كوبى كەڭەس زامانىندا بوي كوتەرگەنىن اتاپ ءوتتى.
«ق ر ۇكىمەتىنىڭ 2019 -جىلعى 31-جەلتوقسانداعى №1054-قاۋلىسىمەن بەكىتىلگەن «نۇرلى جەر» تۇرعىن ءۇي- كوممۋنالدىق دامىتۋدىڭ 2020-2025-جىلدارعا ارنالعان مەملەكەتتىك باعدارلاماسى شەڭبەرىندە ەلوردادا اپاتتىق تۇرعىن ۇيلەردى بۇزۋ جوباسى ىسكە اسىرىلۋدا. نەگىزگى قۇرىلىس كونسترۋكتسيالارى مەن ينجەنەرلىك جۇيەلەردىڭ توزۋ دەڭگەيى %61 دا اسقان تۇرعىن ۇيلەر بۇزىلۋعا جاتادى. ولاردىڭ سالىنعان جىلى 1940 -جىلدان 1980 -جىلعا دەيىن وزگەرىپ وتىرادى»، - دەلىنگەن اكىمدىكتىڭ جاۋابىندا. اكىمدىك وكىلدەرى سۇرىلگەن ءۇي ورنالاسقان جەر تەلىمىنە قاتىستى دا تۇسىنىك بەردى.
«قولدانىستاعى زاڭنامانىڭ تالاپتارى بويىنشا اپاتتىق تۇرعىن ءۇيدى بۇزۋ جانە ودان ازاماتتاردى كوشىرۋ تۇرعىن ءۇيدى جانە ءۇي ورنالاسقان جەر ۋچاسكەسىن رەكۆيزيتسيالاۋ تارتىبىمەن جۇرگىزىلەدى»، - دەيدى تۇرعىن ءۇي سالاسىنىڭ ماماندارى.
اۆتور: ەسىمجان ناقتىباي
