رەسەيدە جانۋارلارعا ارنالعان كوروناۆيرۋس ۆاكسيناسى تىركەلدى

بۇل تۋرالى ۆەدومستۆو باسشىسىنىڭ ورىنباسارى كونستانتين ساۆەنكوۆ ءمالىم ەتتى، دەپ حابارلايدى قازاقپارات تاسس- قا سىلتەمە جاساپ.

«رەسەيدىڭ اۋىل شارۋاشىلىعىن قاداعالاۋ ۆەدومستۆوسىنا باعىناتىن جانۋارلار دەنساۋلىعىن قورعاۋ فەدەرالدى ورتالىعى ازىرلەگەن، كوروناۆيرۋس ينفەكسياسىنا قارسى ەتقورەكتى جانۋارلارعا ارنالعان «كارنيۆاك- كوۆ» ۆاكسيناسى رەسەيدە تىركەلدى. بۇل COVID-19 عا قارسى جانۋارلارعا ارنالعان الەمدەگى العاشقى جانە قازىرگى ۋاقىتتا جالعىز پروفيلاكتيكالىق پرەپارات»، - دەدى ول.

ول وتكەن جىلدىڭ قازان ايىندا باستالعان ۆاكسينا يت، مىسىق، تۇلكى، كۇزەن، جانە باسقا دا جانۋارلاردا كلينيكالىق سىناقتان وتكەن.

«زەرتتەۋ ناتيجەلەرى ۆاكسينانىڭ زيانسىزدىعى مەن ونىڭ جوعارى يممۋنوگەندىك بەلسەندىلىگى تۋرالى قورىتىندى جاساۋعا مۇمكىندىك بەرەدى، ويتكەنى بارلىق ۆاكسينالانعان جانۋارلاردا %100 جاعدايدا كوروناۆيرۋسقا انتيدەنە پايدا بولدى»، - دەپ سەندىردى ول.

ساۆەنكوۆتىڭ ايتۋىنشا، سونىمەن قاتار ۆەدومستۆو عالىمدارى پرەپارات ەنگىزىلگەننەن كەيىن يممۋنيتەتتىڭ قانشا ۋاقىتقا داميتىنىن زەرتتەۋدى جالعاستىرۋدا. «بۇگىنگى تاڭدا بۇل كورسەتكىش كەم دەگەندە التى ايدى»، - دەدى ول.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى