ازيادان امەريكاعا تىنىق مۇحيتى ارقىلى بايلانىس كابەلى تارتىلادى
كابەلدىڭ ۇزىندىعى - 15 مىڭ شاقىرىم بولادى.
جوبا قاتىسۋشىلارىنىڭ Keppel تەلەكوممۋنيكاتسيا، يندونەزيا جانە Facebook بىرلەسكەن مالىمدەمەسىندە «بيفروست» دەپ اتالاتىن كابەل تارتۋ جۇمىسى 2024 -جىلى اياقتالادى جانە تىنىق مۇحيتىنداعى وسىنداي ءىرى جوبا بولادى دەپ ايتىلعان.
«سۋاستى كابەلدەرىنىڭ عالامدىق بايلانىستاعى ماڭىزى قازىرگى ۋاقىتتا دەرەكتەردى تاراتۋ مۇمكىندىكتەرى، تەحنولوگيالاردى، ءموبيلدى قۇرىلعىلاردى پايدالانۋ جانە 5- بۋىن بايلانىس جۇيەلەرىن قولدانۋ قاجەتتىلىگىنىڭ جەدەل دامىپ كەلە جاتقان كەزەڭىندە»، - دەلىنگەن كومپانيالاردىڭ حابارلاماسىندا.
15 مىڭ شاقىرىمدىق كابەل سولتۇستىك امەريكانىڭ باتىس جاعالاۋىن يندونەزيامەن، سينگاپۋرمەن جانە فيليپپينمەن بايلانىستىرادى.
Google كومپانياسى دا وسىنداي كابەلدى تىنىق مۇحيت ارقىلى وتكىزەدى. Echo جوباسى 2023 -جىلعا دەيىن اياقتالادى دەپ جوسپارلانعان.
جاڭا كابەلدەر ەكى ايماق اراسىنداعى ينتەرنەت بايلانىسىنىڭ مۇمكىندىكتەرىن ارتتىرۋعا ارنالعان.
«Echo جانە Bifrost دەپ اتالاتىن بۇل كابەلدەر ياۆا تەڭىزى ارقىلى جاڭا مارشرۋت بويىنشا تارتىلعان العاشقى ەكى كابەل بولادى. ولار ترانس- تىنىق مۇحيتى ايماعىندا ينتەرنەتتىڭ مۇمكىندىگىن %70 ارتتىرادى»، - دەيدى Facebook ۆيتسە- پرەزيدەنتى كيەۆين سالۆادوري.
