مينيستر سولتۇستىك قازاقستانداعى وقۋ ورىندارىندا وزگەرىستەر بولاتىنىن ايتتى
«تەحنيكالىق جانە كاسىپتىك ءبىلىم بەرۋ بويىنشا «جاس مامان» جوباسى اياسىندا 2021 -جىلى 9 كوللەدجدى جابدىقتايمىز. 2025 -جىلعا دەيىن جاستاردى كەزەڭ-كەزەڭمەن %100 عا دەيىن كوللەدجدەردە اقىسىز وقۋمەن قامتۋ جوسپارلاندى. ول ءۇشىن قوسىمشا گرانتتار بەرىلەدى»، - دەدى مينيستر.
جوعارى ءبىلىم سالاسىنا توقتالعان مينيستر، مەملەكەت باسشىسىنىڭ تاپسىرماسىنا سايكەس م. قوزىبايەۆ ۋنيۆەرسيتەتىندە اكادەميالىق ارتىقشىلىق ورتالىعى قۇرالاتىنىن ايتتى.
«قاراجات يننوۆاتسيالىق زەرتحانالاردى قۇرۋعا، ءبىلىم بەرۋ باعدارلامالارىن جاڭارتۋعا، حالىقارالىق عىلىمي جوبالارعا قاتىسۋدى قارجىلاندىرۋعا جانە باسقا دا باعىتتارعا بەرىلەدى. وسى باعىتتا بيۋدجەتتەن 5 ميلليارد تەڭگە ءبولىنۋ جوسپارلانۋدا. سونىمەن بىرگە ۋنيۆەرسيتەتتە رەسپۋبليكالىق بيۋدجەت ەسەبىنەن 600 ورىندىق ەكى جاتاقحانانا سالۋ ءۇشىن 4,3 ميلليارد تەڭگە قاراستىرىلىپ وتىر. بۇعان قوسا، قولدانىستاعى ءۇش جاتاقحانادا 2,2 ميلليارد تەڭگەگە جانە بەس وقۋ عيماراتىندا 2,4 ميلليارد تەڭگەگە كۇردەلى جوندەۋ جۇرگىزىلەدى. وسىنداي جوسپارىمىز بار. سونىمەن وسى ۋنيۆەرسيتەت تولىعىمەن مودەرنيزايادان وتەدى دەپ ايتا الامىز»، - دەدى ا. ايماعامبەتوۆ.
«نازاربايەۆ ۋنيۆەرسيتەتىنىڭ تاجىريبەسى بويىنشا ەكى وڭىرلىك جوعارى وقۋ ورنىن قۇرۋ جوسپارىنىڭ اياسىندا پەتروپاۆل قالاسىندا وسىنداي ۋنيۆەرسيتەت قۇرىلاتىن بولادى. بۇل ۋنيۆەرسيتەت الەمنىڭ ۇزدىك ۋنيۆەرسيتەتتەرىمەن بىرگە جاڭا ءبىلىم بەرۋ باعدارلامالارىن ىسكە اسىرىپ، ناتيجەسىندە ءبىز وڭىرلىك زەرتتەۋ ورتالىعىنا يە بولامىز. وندا وزىق زەرتتەۋ مەن وزىق ءبىلىم بەرۋ ءۇشىن جاعدايلار جاسالادى»، - دەپ ناقتىلادى ۆەدومستۆو باسشىسى.
مينيسترلىك وبلىس اۋماعىندا جۇمىسقا تۇرعان «سەرپىن» باعدارلاماسى تۇلەكتەرىنىڭ ەڭبەكپەن وتەۋ مەرزىمىن 2 جىلعا دەيىن ازايتۋ بويىنشا وزگەرىستەر ەنگىزۋدى جوسپارلاپ وتىر. كورشى ەلدەردىڭ جوعارى وقۋ ورىندارىنان م. قوزىبايەۆ اتىنداعى ۋنيۆەرسيتەتىنە اۋىساتىن ستۋدەنتتەرگە جىل سايىن ارنايى 200 ءبىلىم گرانتىن ءبولۋ ماسەلەسى قاراستىرىلىپ وتىر. سونىمەن بىرگە م. قوزىبايەۆ اتىنداعى سولتۇستىك قازاقستان ۋنيۆەرسيتەتىنە ستۋدەنتتەردىڭ كەلۋىن ىڭتالاندىرۋ ءۇشىن 2000 ارنايى گرانت بولىنەدى.
ايتا كەتەيىك، بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى اسەت ەرعاليەۆ سولتۇستىك قازاقستان وبلىسىنىڭ 2021-2025 -جىلدارعا ارنالعان الەۋمەتتىك- ەكونوميكالىق دامۋىنىڭ كەشەندى جوسپارىن تانىستىردى. پرەمەر- مينيستر اسقار مامين كەشەندى جوسپارى ءوڭىردىڭ ينفراقۇرىلىمىن جاقسارتاتىنىن اتاپ ءوتتى.
اۆتور: رۋسلان عابباسوۆ
