تولاسسىز جاۋىننان كەيىن الماتى كوشەلەرىن سۋ باستى - ۆيدەو
سۋ استىندا قالعان كوشەلەردەگى كورىنىستى تۇرعىندار سۋرەتكە، ۆيدەوعا ءتۇسىرىپ، الەۋمەتتىك جەلىگە سالىپ جاتىر. تاڭعا جۋىق باستالعان جاڭبىر ءالى دە تولاسسىز جاۋىپ تۇر. اعىن سۋ ارىقتان اسىپ، تروتۋارلارعا جايىلعان. اسىرەسە كوپىردىڭ استى مەن سايلاردا سۋ تىزەگە جەتىپ قالدى. بۇعان دەيىن توتەنشە جاعدايلار دەپارتامەنتى الماتىدا اۋا رايىنا بايلانىستى ەسكەرتۋ جاريالاعان بولاتىن.
دەپارتامەنت تاراتقان مالىمەتكە قاراعاندا، جىلىمىقتىڭ اياسىندا جاۋىن- شاشىننىڭ تۇسۋىنە جانە قار جامىلعىسىنىڭ تۇراقسىزدىعى مەن بيىكتىگىنىڭ جوعارى بولۋىنا بايلانىستى ۇلكەن جانە كىشى الماتى سۋ الابىندا 28-30-ناۋرىز ارالىعىندا قار كوشكىنى ءقاۋپى ساقتالادى.
اۆتور: الما مۇقانوۆا
