فۋتبول: قازاقستان قۇراماسى فرانسيادان ۇتىلىپ قالدى

العاشقى كەزەڭدە فرانسۋزدىق فۋتبولشىلار ويىن تىزگىنىن قولعا الۋعا تىرىستى. الايدا الاڭ يەلەرى نەگىزىنەن قورعانىسقا كوڭىل ءبولدى. قارسىلاستار شابۋىلىنا توتەپ بەرىپ، بىرنەشە قاۋىپتى ءساتتى سەيىلتتى. تاجىريبەلى ويىنشىلاردان جاساقتالعان فرانسيا قۇراماسى بىرنەشە مارتە گول سوعاتىن مۇمكىندىكتەردى قاراستىردى. ناتيجەسىندە 19-مينۋتتا فرانتسۋزدىق شابۋىلشى ۋسمان دەمبەلە الاڭ يەلەرى قاقپاسىنان ساڭىلاۋ تاپتى. ال 44-مينۋتتا قازاقستاندىق قورعاۋشى سەرگەي مالىي ءوز قاقپاسىنا گول سوعىپ الدى. وسىلايشا فرانتسۋز قۇراماسى 2:0 ەسەبىمەن قازاقستان كومانداسىن ۇتتى.

ەكىنشى كەزەڭدە فرانتسۋزدار شابۋىلعا كوبىرەك كوڭىل ءبولدى. دەسە دە دىتتەگەن ماقساتىنا جەتە العان جوق، ءتىپتى، اتاقتى فۋتبولشى كيليان مباپپە الاڭ يەلەرى قاقپاسىنا بەلگىلەنگەن پەنالتيدەن ءمۇلت كەتتى. ونىڭ تەپكەن سوققىسىن قازاقستاندىق قاقپاشى الەكساندر موكين سىرتقا شىعارىپ ۇلگەردى. كەزدەسۋدە فرانسيا قۇراماسى 2:0 ەسەبىمەن جەڭىسكە جەتتى. وسىلايشا ءتورت ۇپايمەن تۋرنير كەستەسىندە كوش باسىنا شىقتى. سونداي- اق، بۇگىن اتالعان توپتا ۋكراينا ءوز الاڭىندا فينليانديانى قابىلدايدى. ەندى قازاقستان قۇراماسى 31 -ناۋرىزدا سىرت الاڭدا ۋكراينامەن شەبەرلىك بايقاسادى. سول كۇنى سىرت الاڭدا فرانسيا بوسنيا جانە گەرتسوگوۆينامەن جاسىل الاڭعا شىعادى.

ايتا كەتەرلىگى، بۇگىنگە دەيىن قازاق توپىراعىنا گەرمانيا، انگليا، پورتۋگاليا، نيدەرلاندى، بەلگيا سەكىلدى ماڭدايالدى قۇرامالار قادام باستى. ونىڭ ىشىندە 2008 -جىلعى ەۋروپا چەمپيوناتىنا ىرىكتەۋ ساتىسىندا قازاقستاندىق فۋتبولشىلار بەلگيامەن ەكى مارتە (0:0، 2:2) تەڭ تۇسكەنىن جانكۇيەرلەر ءالى كۇنگە دەيىن ۇمىتا قويعان جوق.

ايتا كەتەيىك، قازاقستاندىق قۇراما ىرىكتەۋ ساتىسىندا D توبىندا سىنعا تۇسەدى. قارسىلاستارى - فرانسيا، ۋكراينا، بوسنيا جانە گەرتسوگوۆينا، فينليانديا. سونداي- اق، بۇگىن اتالعان توپتا ۋكراينا ءوز الاڭىندا فينليانديانى قابىلدايدى. ءبىرىنشى تۋردا فرانتسيا مەن ۋكراينا 1:1، فينليانديا بوسنيا مەن گەرتسوگوۆينامەن 2:2 ەسەبىمەن تەڭ وينادى.

ريزابەك نۇسىپبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى