الماتى وبلىسىندا بىلتىر جوندەلگەن جول جارامسىز بولىپ قالدى

ەسكەلدى اۋدانىنىڭ قارابۇلاق اۋىلدىق وكرۋگىنە قاراستى ماتاي بايىسوۆ اۋىلىنداعى كۇلاش بايسەيىتوۆا اتىنداعى كوشەگە بىلتىر كۇردەلى جوندەۋ جۇرگىزىلگەن. باستاپقى كەلىسىمشارت بويىنشا 42 ميلليون 179 مىڭ تەڭگە، قوسىمشا كەلىسىم شارتپەن تاعى 7 ميلليون 256 ميلليون تەڭگە بولىنگەن. وسىلايشا ەكى شاقىرىمعا جەتەر جەتپەس جولعا 49 ميلليون 436 مىڭنان اسا قاراجات جۇمسالعان. قازىر اكىمدىك جوندەۋ جۇرگىزگەن مەردىگەر جولدىڭ ساپاسىنا ەكى جىلعا دەيىن جاۋاپتى ەكەنىن ايتىپ، بارلىعى قالىپقا كەلتىرىلەتىنىن جەتكىزدى.

«كەلەسى اپتادا جولدى قايتا قالپىنا كەلتىرۋ باستالادى. ويتكەنى، كۇن ەندى جىلىنىپ كەلەدى. كوشەنىڭ جولىن جاساعان مەردىگەر كومپانيامەن كەلىسىمشارت بولعاندىقتان، ولار جولدىڭ ساپاسىنا 2 جىلعا دەيىن جاۋاپتى»، - دەپ مالىمدەدى ەسكەلدى اۋدانى اكىمىنىڭ باسپا ءسوز قىزمەتىنەن.

ايتا كەتەيىك، كۇلاش بايسەيىتوۆا كوشەسىندەگى 1820 مەترلىك جولدى «جەتىسۋ جول قۇرىلىس» ج ش س جۇرگىزگەن. ال تاپسىرىستى «ەسكەلدى اۋدانىنىڭ جولاۋشىلار كولىگى جانە اۆتوموبيل جولدارى ءبولىمى» بەرگەن.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى