مۇحتار تايجان ازاماتتىق بەرۋ ءتارتىبىن قاتاڭداتۋ كەرەكتىگىن ايتتى
«2016 -جىلى حالىق كوشەگە شىعىپ، جەر شەتەلدىكتەرگە جالعا بەرىلمەسىن، ساتىلماسىن دەپ ايتتى. قۇدايعا شۇكىر، پرەزيدەنت ءوز شەشىمىن قابىلدادى. شەتەلدىكتەرگە جەر ساتىلمايدى دا، جالعا دا بەرىلمەيدى. ارنايى زاڭ جوباسى ماجىلىستە ەكەنى بەلگىلى»، - م. تايجان.
بۇدان بولەك ول قازاقستان رەسپۋبليكاسىنىڭ ازاماتتىعىن بەرۋ ءتارتىبىن قاتاڭداتۋ كەرەكتىگىن ايتتى. ويتكەنى، حالىقارالىق تاجىريبە بويىنشا ازاماتتىق الۋ ءۇشىن كەيبىر ەلدەردە مەملەكەتتىك تىلگە، سول ەلدىڭ تاريحىنا قاتىستى ەمتيحان تاپسىرۋى كەرەك. ەڭ كەمىندە بەس جىل تۇرىپ، سول ەلگە دەگەن ادالدىعىن دالەلدەۋى ءتيىس.
«2016 -جىلى حالىق جەر ەشكىمگە ساتىلماسىن دەپ تالاپ ەتكەن ەدى. سوندىقتان قازاقستان ازاماتتارىنا دا جەردى جەكەمەنشىككە بەرمەۋىمىز كەرەك. بۇل تۇرعىدا اۋىل شارۋاشىلىعى ماقساتىنداعى جەرلەردى ايتىپ تۇرمىن»، - دەدى مۇحتار تايجان.
اۆتور: رۋسلان عابباسوۆ
