الياسكا شتاتىندا ا ق ش پەن مەن قىتايدىڭ جوعارى لاۋازىمدى وكىلدەرى كەزدەستى

قىتاي تاراپىنان دەلەگاتسيانى سىرتقى ىستەر ءمينيسترى ۋاڭ ي، ال قۇراما شتاتتار جاعىنان مەملەكەتتىك حاتشى ەنتوني بلينكەن باستاپ كەلدى. ەكىجاقتى كەلىسسوزدەر وتە كۇردەلى ءوتتى. كەزدەسۋ باستالماي جاتىپ تاراپتار بىردەن ءبىر- ءبىرىن ايىپتاۋعا كوشكەن.

ياڭ جەچي، ق ح ر س ءى م وكىلى:

- حالىقتىڭ كوپتىگى مەن دامۋ كورسەتكىشىنە عانا قاراپ، باتىستىڭ بۇكىل الەم ءۇشىن سويلەي المايتىنىن بىلەمىز. سول سياقتى امەريكا دا وسىنداي دۇنيەلەردى ايتقاندا ءوزىن جايلى سەزىنەدى دەۋگە كەلمەيدى. سەبەبى ا ق ش ۇكىمەتى تەك قۇراما شتاتتاردىڭ كوزقاراسىن عانا ءبىلدىرۋى ءتيىس.

ەنتوني بلينكەن، ا ق ش مەملەكەتتىك حاتشىسى:

- مەنىڭ ەستىگەنىم، سىزدەر ايتقان نارسەدەن مۇلدەم وزگەشە. ياعني مەن قۇراما شتاتتاردىڭ ءوز وداقتاستارى جانە سەرىكتەستەرىمەن قايتادان ىنتاماقتاستىق ورناتا باستاعانىنا كوپتىڭ كوڭىلى تولىپ جاتقانىن ەستيمىن.

قالاي بولعاندا دا ەكى ساعاتتان استام ۋاقىتقا سوزىلعان كەلىسسوزدەر سوڭىندا قىتاي مەن ا ق ش ءوزارا ءتيىمدى سەرىكتەستىكتى ارى قاراي دامىتىپ، قانداي دا ءبىر شيەلەنىستى بولدىرماۋعا كەلىستى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى