قازاقتىڭ ءبىرتۋار ءانشى، اقىنى ەستاي بەركىمباي ۇلىنا ەسكەرتكىش قويىلدى
ءمۇسىن قولادان قۇيىلعان، بيىكتىگى 4 مەتر، تۇعىر تاسى گرانيتتەن جاسالعان. شاراعا ەستاي اقىننىڭ ۇرپاقتارى مەن ءانشىنىڭ ءومىرى مەن شىعارماشىلىعىن زەرتتەۋشىلەر، اندەرىن ناسيحاتتاۋشىلار، زيالى قاۋىم وكىلدەرى جانە ەسكەرتكىشتىڭ اۆتورى ق ر سۋرەتشىلەر وداعىنىڭ مۇشەسى، ءمۇسىنشى ازات بايارلين، ق ر ەڭبەك سىڭىرگەن قايراتكەرى، ەلىمىزدىڭ ەسترادا جۇلدىزى مەرۋەت تۇسىپبايەۆا، وپەرا ءانشىسى، جەرلەسىمىز ماريا مۋدرياك، ق ر ەڭبەك سىڭىرگەن قايراتكەرى ەربول ايتبايەۆ قاتىستى.
- بۇگىن بارشامىز ءۇشىن ەرەكشە وقيعا. ۇلىستىڭ ۇلى كۇنى ناۋرىز مەيرامىندا قازاقتىڭ ءبىرتۋار تۇلعاسى، ءانشى، اقىن، ەستاي بەركىمباي ۇلىنىڭ ەسكەرتكىشى وبلىس ورتالىعىندا ورناتىلىپ وتىر.
قازاق دالاسىن انگە بولەگەن ەستاي بەركىمباي ۇلىنىڭ قازاق ونەرى مەن مادەنيەتىنەن الار ورنى ەرەكشە. كومپوزيتوردىڭ ماحاببات سيمۆولىنا اينالعان «قۇسني- قورلان» ءانىن بۇكىل الەم باعالاپ وتىر. وسىنداي اسىل مۇرا قالدىرعان ءانشىنىڭ ەسىمى حالىق جادىندا ماڭگى قالاتىنى ءسوزسىز. ناۋرىز مەرەكەسى قارساڭىندا ەسكەرتكىشتىڭ اشىلۋى - ۇلىلارعا كورسەتىلگەن تاعزىم جانە تاۋەلسىزدىگىمىزدىڭ 30 جىلدىعىنا تارتىلعان سىي. سىزدەرگە جانە جاقىندارىڭىزعا زور دەنساۋلىق، مول باقىت، جانۇيالارىڭىزعا بەرەكە- بىرلىك تىلەيمىن! - دەپ ايماق باسشىسى ءابىلقايىر سقاقوۆ جينالعانداردى ناۋرىز مەرەكەسىمەن قۇتتىقتادى.
مەملەكەتتىك پرەزيدەنت ستيپەندياسىنىڭ يەگەرى، رەسپۋبليكالىق ەستاي اتىنداعى انشىلەر بايقاۋىنىڭ باس جۇلدەگەرى مەدعات ماناپوۆ ەستايدىڭ «جاي قوڭىر» ءانىن ورىندادى. ق ر پارلامەنتى سەنات دەپۋتاتى التىنبەك نۇح ۇلى ەستاي ەسكەرتكىشىنىڭ اشىلۋىمەن دەپۋتاتتاردىڭ اتىنان ىزگى تىلەگىن ءبىلدىردى.
- ۇلىستىڭ ۇلى كۇنى ۇلتتىق مۋزىكامىزدىڭ ۇشارى بيىك شىڭىنا شىققان، تالانت يەسى، قازاقستان كومپوزيتورلار وداعىنىڭ ەڭ العاشقى مۇشەسىنىڭ ءبىرى، تاريحي تۇلعا ەستاي بەركىمباي ۇلىنىڭ ەسكەرتكىشىنىڭ اشىلۋى سالتاناتىندا تۇرمىز. دالا اكادەمياسىنىڭ اسىلدارى ءبىرجان سال مەن اقان سەرىدەن ءتالىم العان ەستاي نەبارى 20 جاسىندا «قورلان» انىمەن كلاسسيكالىق بيىككە كوتەرىلدى. بۇل ءاننىڭ قۇدىرەتى سونداي، اقيىق اقىندارىمىز قاسىم، مۇزافار مەن مۇحتار پوەمالار ارناسا، بەلگىلى كومپوزيتورلار برۋسيلوۆسكي مەن مۇحامەدجانوۆ وپەرادا شارىقتاتىپ، الەمدى ءتانتى ەتتى. ەندەشە ەل ماقتانىشى ەستايدىڭ تابيعي تالاناتىنا قالاي تاڭدانباسقا؟ - دەپ اتاپ ءوتتى التىنبەك نۇح ۇلى.
سونداي- قا ەستاي بەركىمباي ۇلىنىڭ ۇرپاعى، «ەگەمەن قازاقستان» گازەتىنىڭ ءجۋرناليستى فارحات امىرەنوۆ ەسكەرتكىش قويۋعا باستاما كوتەرگەن ابزال ازاماتتارعا، ونى قولداپ، قۋاتتاعان وبلىس باسشىلىعىنا جانە يدەيانى جۇزە اسىرعان ءمۇسىنشى ازات بايارلينگە ءانشى اۋلەتىنىڭ اتىنان العىس ايتتى. - 1946 -جىلدىڭ ناۋرىز ايىندا ەستاي بەركىمباي ۇلى ومىردەن وزدى. وسىدان 75 جىل وتكەندە ءانشى بابامىز ەڭسەلى ەسكەرتكىشكە اينالىپ، ارامىزعا ورالىپ وتىر. ەستايدى ەستاي ەتكەن - ونىڭ اندەرى.
سول اندەرىمەن ول بۇگىنگە جەتتى. ونىڭ اندەرى تالاي ونەرپازدىڭ باعىن اشىپ، الەمگە تانىتتى. ەستايدىڭ اندەرى ءبىرىنشى كەزەكتە ءوزىنىڭ تۋعان جەرىندە شىرقالۋى ءتيىس. قۇرمەتتى اكىم! وسىدان بىرنەشە جىل بۇرىن پاۆلوداردا ەستاي اتىنداعى رەسپۋبليكالىق ءداستۇرلى اندەر كونكۋرسى وتەتىن. قازاقستانداعى تالانتتى ءداستۇرلى انشىلەردىڭ باسىن بىرىكتىرەتىن، ءوڭىر جۇرتشىلىعى اسىعا كۇتەتىن ايتۋلى شارا ەدى. سوڭعى جىلدارى وسى ءبىر تاماشا باستاما بەلگىلى ءبىر سەبەپتەرمەن ءۇزىلىپ قالدى. سىزدەن ەستاي اتىنداعى وسى كونكۋرستى قايتادان جانداندىرۋدى، ەكى جىلدا ءبىر رەت وبلىس كولەمىندە وتكىزىلەتىن شارالاردىڭ تىزىمىنە ەنگىزۋدى سۇرايىز، - دەدى فارحات امىرەنوۆ.
سونداي-اق ول وبلىس باسشىلىعىنا ەستاي تۋرالى مالىمەتتەردى ءبىر كىتاپقا جيناستىرىپ، ەستاي ەنتسيكلوپەدياسىن شىعارۋدى جانە «ەستاي مەن قورلاننىڭ عاشىقتىق حيكاياسى» تۋرالى كوركەم فيلم ءتۇسىرۋدى ۇسىندى.
ايتا كەتەيىك، 2019 -جىلى وبلىستىق ارداگەرلەر كەڭەسىنىڭ وكىلدەرىنەن جانە زيالى قاۋىم مەن اقساقالداردىڭ اتىنان پاۆلودار قالاسىندا ەستاي بەركىمبايەۆتىڭ ەسكەرتكىشىن ورناتۋ تۋرالى ۇسىنىس حات تۇسكەن.
ەسكە سالا كەتەيىك، پاۆلودارلىق ونەرتانۋشى ەستايدىڭ «قۇسني - قورلان» ءانىنىڭ تانىمالدىلىعىنىڭ قۇپياسى نەدە ەكەنىن ايتىپ بەردى. «قۇسني - قورلان» تۋىندىسىنىڭ انشىلەر ورىنداۋىنداعى 18 ءتۇرى ءبىر بەينەجازباعا جيناستىرىلعان. پاۆلودار مۋزەيىندە اڭىزعا اينالعان ەستايدىڭ مۋزىكالىق قورى ساقتاۋلى.
