ش ق و- دا جاڭا تۋعان نارەستەلەرگە ۇلتتىق كيىم تارتۋ ەتىلدى
ۇلتتىق كيىمدەر دۇنيەگە كەلگەن 5 ءسابيدىڭ اۋرۋحانادان شىعۋ راسىمىنە وراي تابىستالدى. سونداي- اق انالارعا ناۋرىز كوجە تاراتىلدى. بۇل ەرەكشە شاراعا اۋرۋحانا اكىمشىلىگى سەبەپكەر بولىپ وتىر.
«ەكىنشى بالامدى وسى اياگوز اۋداندىق ورتالىق اۋرۋحاناسىندا دۇنيەگە اكەلدىم. بۇگىن پەرزەنتحانادان شىعار كەزدە دارىگەرلەردىڭ وزدەرى ۇلتتىق كيىم كيىپ، بالالارىمىزعا دا قازاقتىڭ ۇلتتىق ناقىشتا بەزەندىرىلگەن كيىمدەرىن سىيعا تارتتى. ەرەكشە اسەر الىپ، قۋانىپ قالدىق»، - دەيدى ءۇرجار اۋدانىنان كەلگەن انا ساياجان سارسەنعالي.
ايتا كەتەيىك، نارەستەلەرگە ارنالعان ۇلتتىق كيىمدەردى سىيعا تارتۋ كەزىندە بارلىق سانيتارلىق تالاپتار ساقتالعان.
