ناۋرىز مەيرامى: قازاقستاندىقتارعا ۇندەۋ جاسالدى
«ءبىز، سانيتارلىق- ەپيدەميولوگيالىق باقىلاۋ قىزمەتىنىڭ ماماندارى رەتىندە الداعى مەرەكەلىك دەمالىس كۇندەرىن وتباسىلىق ورتادا عانا وتكىزۋگە كەڭەس بەرەمىز. بارىس- كەلىستى ازايتىپ، بۇقارالىق شارالارعا بارماۋعا جانە ۇيىمداستىرماۋعا، ادامدار كوپ جينالعان ورىندارعا باس سۇقپاۋعا كەڭەس بەرەمىز»، - دەلىنگەن حابارلامادا.
كوميتەت وكىلدەرى ۇلىس كۇنىنە ارنالعان كونسەرتتەر مەن قويىلىمداردى، كورمەلەر مەن ايتىس سايىستارىن ونلاين فورماتتا وتكىزگەن دۇرىس دەپ وتىر.
«قازاقستاننىڭ مەملەكەتتىك باس سانيتار دارىگەرىنىڭ قاۋلىسى بويىنشا وكىزۋگە رۇقسات ەتىلگەن شارالار بارلىق سانيتارلىق- ەپيدەميولوگيالىق تالاپتاردى ساقتاي وتىرىپ، ادامداردىڭ شوعىرلانۋىنا جول بەرمەيتىندەي ەتىپ ۇيىمداستىرىلۋى كەرەك»، - دەيدى ماماندار.
كوميتەت ماماندارى شارالاردى وتكىزۋ مۇمكىندىگى جەرگىلىكتى ءوڭىردىڭ قاي ايماققا جاتقىزىلعانىنا بايلانىستى ەكەنىن ەسكە سالادى. ياعني، «قىزىل ايماقتاعى» وڭىرلەردە كەز كەلگەن شارا وتكىزۋگە تىيىم سالىنعان. «سارى ايماقتاردا» شارا وتەتىن ورىن % 20، «جاسىل ايماقتاردا» % 30 عانا تولۋى كەرەك.
«كۇرەس، اۋدارىسپاق سياقتى ادامداردى ءبىر- بىرىمەن جاناستىراتىن سپورتتىق شارالار وتكىزۋگە بولمايتىنىن ەسكە سالامىز. ۋلانۋدىڭ الدىن الۋ ءۇشىن قوعامدىق شارا وتكەن جەردە اس ازىرلەپ، ىشۋگە دە تىيىم سالىنعان. قۇرمەتتى قازاقستاندىقتار! وسى ءبىر شۋاقتى مەرەكەنى ەت جاقىندارىڭىزبەن بىرگە ۇيدە وتكىزىپ، وزدەرىڭىزدى ساقتاڭىزدار» - دەيدى سانيتارلىق- ەپيدەميولوگيالىق باقىلاۋ قىزمەتى.
اۆتور: ەسىمجان ناقتىباي
