كوڭىل كوتەرگەن تۋريستەر تۇرعىنداردىڭ اشۋىنا ءتيدى
وقيعانىڭ ۆيدەوسى مەن ءمان-جايى تۋرالى Daily News جاريالادى، - دەپ حابارلايدى Lenta.tu.
تاياۋدا شەتەلدىك ونداعان تۋريست باليدەن گيلي ارالدارىنا (يندونەزيا) ءجۇزىپ بارا جاتقان كەمەدە مەرەكە ۇيىمداستىردى. دەمالۋشىلار جاڭاجىلدىق بالي مەرەكەسى «تىنىشتىق كۇنى» - نەپي كۇنى قارساڭىندا كوڭىل كوتەرىپ، بي كەشىن وتكىزگەن. بۇل كۇنى جەرگىلىكتى تۇرعىندار سىرتقا شىقپايدى، جۇمىس ىستەمەيدى، ەلەكتر قۋاتىن پايدالانبايدى جانە قوناق كۇتپەيدى.
مەملەكەتتىك تىنىشتىق مەرەكەسىنە دايىندىققا قاراماستان، ەر ادامدار قايىقتىڭ توبەسىندە مۋزىكانى قاتتى قويىپ، بيلەگەن. كوڭىلدى كەشتە تۇسىرىلگەن ۆيدەونى كورگەن جەلى پايدالانۋشىلارى نارازىلىق ءبىلدىردى.
«بارلىق شەتەلدىك اقىلدى ەمەس»، «كوۆيديوتتار»، « ناداندىق»، «ءبىزدىڭ قوناقتار وسىلاي ارەكەت ەتەدى»، «ولار بىلمەيتىن سياقتى» دەپ جازدى ولار.
2020 -جىلدىڭ ناۋرىزىنان باستاپ بالي ارالى كوپتەگەن شەتەلدىك ساياحاتشى ءۇشىن ءالى جابىق. يندونەزيا ۇكىمەتى وتكەن جىلى پاندەمياعا بايلانىستى ەل ەكونوميكاسى 14 ميلليارد دوللار جوعالتتى دەپ مالىمدەگەن. 2020 -جىلى تۋريستەر اعىنى 90 پايىزعا دەيىن تومەندەدى.
