اسقار مامين: ءبىزدىڭ مىندەتىمىز - كاسىپكەرلىكتى دامىتۋدىڭ وزەكتى ماسەلەلەرىن جەدەل شەشۋ
وتىرىسقا «اتامەكەن» ۇ ك پ ءتورالقا ءتوراعاسى تيمۋر قۇلىبايەۆ، ۇكىمەت مۇشەلەرى، وڭىرلەردىڭ اكىمدەرى، «سامۇرىق-قازىنا» ءۇ ا ق» ا ق، دامۋ ينستيتۋتتارىنىڭ، قازاقستان قارجىگەرلەرى قاۋىمداستىعىنىڭ، وڭىرلىك كاسىپكەرلەر پالاتالارىنىڭ باسشىلىعى جانە ت. ب. قاتىستى.
ۇكىمەت ماقۇلداعان كاسىپكەرلىكتى مەملەكەتتىك قولداۋ شارالارى تۋرالى ۇلتتىق ەكونوميكا ءمينيسترى اسەت ەرعاليەۆ، بيزنەستىڭ جۇيەلى سىن-تەگەۋرىندەرى، جەڭىلدىكپەن نەسيە بەرۋ، ميكروقارجى ۇيىمدارى ينستيتۋتتارىن، الەۋمەتتىك-كاسىپكەرلىك كورپوراتسيالارىن دامىتۋ، وڭىرلەردەگى ش و ب- تى دامىتۋ الەۋەتى، مەملەكەتتىك ساتىپ الۋداعى جەرگىلىكتى قامتۋ، «سامۇرىق- قازىنا» ءۇ ا ق» ا ق جانە جەر قويناۋىن پايدالانۋشىلاردىڭ ساتىپ الۋلارى تۋرالى «اتامەكەن» ۇ ك پ باسقارما ءتوراعاسى ابىلاي مىرزاحمەتوۆ، باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين، ساۋدا جانە ينتەگراتسيا ءمينيسترى باقىت سۇلتانوۆ باياندادى.
«اتامەكەن» ۇ ك پ ءتورالقا ءتوراعاسى ت. قۇلىبايەۆ بيىلعى 11-12- ناۋرىزدا ەكونوميكانىڭ نەعۇرلىم زارداپ شەككەن سالالارىنداعى بيزنەس وكىلدەرىمەن وتكەن قوسىمشا كەزدەسۋلەردىڭ قورىتىندىسى بويىنشا كاسىپكەرلىكتى دامىتۋدىڭ 59 جۇيەلى سالالىق ماسەلەسى ايقىندالعانىن اتاپ ءوتتى.
«اتامەكەن» ۇ ك پ ۇسىنعان مالىمەتتەر نەگىزىندە پرەمەر-مينيستر مەملەكەتتىك ورگاندار مەن ۇيىمدارعا جەكە سەكتوردى قولداۋدىڭ قوسىمشا شارالارىن، ونىڭ ىشىندە ش و ب- تىڭ كرەديتتەۋگە قولجەتىمدىلىگىن ودان ءارى كەڭەيتۋ، بيزنەسكە رەتتەۋشىلىك جانە فيسكالدىق جۇكتەمەنى تومەندەتۋ، وتاندىق وندىرۋشىلەردىڭ مەملەكەتتىك ساتىپ الۋلارعا، وففتەيك- كەلىسىمشارتتاردى قولدانۋدى كەڭەيتۋدى قوسا العاندا، جەر قويناۋىن پايدالانۋشىلاردىڭ جانە «سامۇرىق-قازىنا» ءۇ ا ق» ا ق- نىڭ ساتىپ الۋلارىنا قاتىسۋ الەۋەتىن دامىتۋ ارقىلى قاراۋدى تاپسىردى.
پىسىقتالىپ جاتقان شارالار اياسىندا وڭىرلەردە اۋىل شارۋاشىلىعى ءونىمىن ءوندىرۋ جانە قايتا وڭدەۋ شارتتارىنداعى ايىرماشىلىقتى ەسكەرە وتىرىپ، ا و ك- تە سۋبسيديالاۋ جۇيەسى جەتىلدىرىلەدى، سونداي-اق اۋىل شارۋاشىلىعى تاۋارىن وندىرۋشىلەر ءۇشىن قارجىلاندىرۋدىڭ قولجەتىمدىلىگى ارتادى.
ۇكىمەت باسشىسى رەتتەلەتىن ساتىپ الۋلارداعى جەرگىلىكتى قامتۋدى باقىلاۋدى، وڭىرلەردىڭ ەكونوميكالىق كارتاسىن ۋاقىتىلى ءارى ساپالى تولتىرۋدى قامتاماسىز ەتۋدى، وتاندىق كاسىپورىنداردىڭ وندىرىستىك قۋاتتارىن جۇكتەۋ ماقساتىندا ولاردى پاسپورتتاۋدى اياقتاۋدى جانە ميكروقارجى ۇيىمدارىن قۇرۋدى جەدەلدەتۋدى تاپسىردى.
«ءبىزدىڭ مىندەتىمىز - بيزنەستى جۇرگىزۋگە قاجەتتى جاعدايلاردى جەتىلدىرۋ جانە كاسىپكەرلىك سالاسىنداعى وزەكتى ماسەلەلەردى جەدەل شەشۋ»، — دەدى ا. مامين.
2021-جىلى «قاراپايىم زاتتار ەكونوميكاسى»، «ب ج ك-2025»، «ەڭبەك»، «جۇمىسپەن قامتۋدىڭ جول كارتاسى» باعدارلامالارى جانە ۇلتتىق بانكتىڭ اينالىم قاراجاتىن تولىقتىرۋعا نەسيەلەندىرۋ باعدارلاماسى اياسىندا بيزنەستى قولداۋعا 703 ميلليارد تەڭگە قاراجات قاراستىرىلعان.
«قاراپايىم زاتتار ەكونوميكاسى» جەڭىلدەتىلگەن نەسيە بەرۋ باعدارلاماسى بويىنشا 2019-جىلعى جەلتوقسان مەن 2021-جىلعى ناۋرىز ارالىعىندا 700,3 ميلليارد تەڭگەگە 2855 جوبا ماقۇلداندى، 556,5 م ميلليارد تەڭگەگە 2273 جوبا سۋبسيديالاندى. «ب ج ك - 2025» باعدارلاماسىن ىسكە اسىرۋدا وڭ ديناميكا بايقالۋدا — وسى جىلدىڭ قاڭتار-اقپان ايلارىندا 88,2 ميلليارد تەڭگە سوماسىنا 669 جوبا سۋبسيديالاندى، 2900 جوبا كەپىلدەندىرىلدى.
