كوروناۆيرۋس: نۇر-سۇلتان قالاسىنىڭ دارىگەرلەرى تۇرعىندارعا ۇندەۋ جاسادى

ناۋقاستار اۋرۋحانالارعا اۋىر كۇيدە ءتۇسىپ جاتىر. بۇل تۋرالى ەلوردانىڭ شتاتتان تىس باس ينفەكتسيونيست دارىگەرى ساۋلە اتىعايەۆا ءمالىم ەتتى، دەپ حابارلايدى قازاقپارات.

«بىلتىرعى جاعداي تاعى دا قايتالانا ما دەپ قورقامىز. قازىرگى ۋاقىتتا ك ۆ ي كورسەتكىشى ءبارىمىزدى الاڭداتىپ وتىر. قازىر ناۋقاستار اۋىر جانە وتە مۇشكىل حالدە اۋرۋحانالارعا ءتۇسىپ جاتىر. 18- ناۋرىز كۇنى قالا بويىنشا كوروناۆيرۋس ينفەكتسياسىن جۇقتىرعان 307 جاعداي انىقتالدى»، - دەيدى كوپسالالى مەديتسينالىق ورتالىقتىڭ ينفەكتسيالىق بلوگىنىڭ دارىگەرى.

دارىگەردىڭ ايتۋىنشا، ي ۆ ل اپپاراتتاردا جاتقان ناۋقاستار سانى كۇرت ارتىپتى.

«جانساقتاۋ بولىمىنە تاۋلىگىنە جاڭادان 5 ناۋقاس جاتقىزىلادى. اسىرەسە، ارتەريالىق گيپەرتەنزياسى، قانت ديابەتى، جۇرەكتىڭ يشەميالىق اۋرۋى بار ەگدە جانە كارى جاستاعى ادامدار ءۇشىن كوروناۆيرۋس وتە اۋىر بولادى»، دەيدى س. اتىعايەۆا.

«وتكەن جازداعى جاعداي قايتالانباس ءۇشىن، سونداي-اق ولىمگە اكەلەتىن وتە اۋىر جاعدايلاردىڭ الدىن الۋ ءۇشىن تۇرعىندارعا سانيتارلىق شارالاردىڭ ءبارىن ساقتاۋدى ۇسىنامىز. كۇن سايىن سىزدەر مەن ءبىزدىڭ اماندىعىمىز ءۇشىن جۇمىس ىستەيمىز. ءبىراق جاعدايدى دارىگەرلەردىڭ كومەگىمەن عانا رەتتەۋ مۇمكىن ەمەس. اركىمنىڭ جاۋاپكەرشىلىگى ماڭىزدى ءرول اتقارادى»، - دەدى ەلوردا دارىگەرى.

نۇر-سۇلتان قالاسى دارىگەرلەرىنىڭ ايتۋىنشا، ينفەكتسيا جۇقتىراتىندار سانى اسىرەسە مەرەكە كۇندەرىنەن كەيىن كۇرت ارتادى. ادام كوپ جينالاتىن ورىنداردا سانيتارلىق نورمالار ساقتالماۋىنان ناۋقاستار سانى ايتارلىقتاي كوبەيەدى.

قالا تۇرعىندارى ءۇشىن بۇل بايقالماۋى مۇمكىن، ءبىراق دارىگەرلەر جاعدايدىڭ كۇرت ناشارلاعانىن كورىپ وتىر.

ايتا كەتەيىك، قاتاڭ سانيتارلىق نورمالار مەن ماسكا رەجيمى مىندەتتى تۇردە ساقتالۋى ءتيىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى