كورشى ەلدەردەن ۇرلانعان كولىكتەردى قايتارۋدىڭ جولى جەڭىلدەتىلدى

بۇل حاتتاماعا 6 ەلدىڭ ىشكى ىستەر مينيسترلەرى قول قويدى، ولاردىڭ اراسىندا رەسەي، تاجىكستان، بەلارۋس، قازاقستان، قىرعىزستان، مولدوۆا بار. حاتتامانىڭ نەگىزگى ماقساتى - ۇرلانعان اۆتوكولىك يەلەرىنىڭ قۇقىقتارىن قورعاۋ.

«بۇگىندە ت م د كەلىسىمىنە سايكەس، ەلدەرمەن شەكارامىز اشىق. وسىنى پايدالانىپ، كەيبىر ادامدار زاڭ بۇزۋشىلىقتار جاسايدى. مىسىلى، 2005 -جىلدان باستاپ وسى كەزگە دەيىن ۇرلانعان 223 دان استام كولىكتىڭ تەك 30 پايىزى ەلگە قايتارىلعان. ويتكەنى، سۇراۋ سالۋ نورمالارىنىڭ كەمشىلىكتەرى بار. وسى كەمشىلىكتەردى جويۋ ءۇشىن قۇجاتقا جاڭا نورمالار ەنگىزىلدى. ەندى ەرەجە بويىنشا سۇراۋ سالۋدى ورىنداۋعا ءبىر اي ۋاقىت بەرىلەدى. سونداي- اق، سۇراۋ سالۋ بويىنشا اقپارات ۇسىنۋدان باس تارتۋ ءۇشىن ناقتى نەگىز قاجەت»، - دەدى ق ر ىشكى ىستەر ءمينيسترى ەرلان تۇرعىمبايەۆ. سونىمەن قاتار، حاتتامادا:

- جول- كولىك، ءورت جانە تابيعي اپاتتان زارداپ شەككەن اۆتوكولىكتەر تۋرالى مالىمەت بەرۋ؛

- كەدەن ورگاندارىمەن اقپارات الماسۋ؛

- 1 -جىل ىشىندە سۇراۋى جوق اۆتوكولىك، قاي جەردە انىقتالسا، سول مەملەكەتتىڭ مەنشىگىندە قالدىرۋ ماسەلەلەرى قاراستىرىلعان.

«بۇگىندە تاۋەلسىز مەملەكەتتەر دوستاستىق ەلدەرىنىڭ اراسىندا اۆتوكولىكتەردى ۇرلاۋ پروبلەما بولىپ تۇر. وسى كەلىسىمدى بەكىتۋ - ازاماتتاردىڭ قۇقىعىن قورعاپ، ۇرلانعان كولىكتەردى قايتارۋدىڭ جولىن جەڭىلدەتەدى. وسى زاڭدى قابىلداۋ تەرىس الەۋمەتتىك- ەكونوميكالىق جانە قۇقىقتىق سالدارعا اكەپ سوقپايدى، قوسىمشا قارجى تالاپ ەتپەيدى»، - دەدى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى