ادامدار قاي ەلدىڭ استاناسىن سۇراعاندا كوپ قاتەلەسەدى؟

ءبىراق كەي ەلدىڭ ءىرى قالالارى استاناسىنان دا اتاقتى بولىپ كەلەدى. مۇندايدا مىقتىنىڭ ءوزى ءمۇدىرۋى مۇمكىن.

اۋستراليا

جاسىل قۇرلىقتى جالعىز الىپ جاتقان ەلدىڭ استاناسى سيدنەي دەپ ويلاپ قالاتىندار كوپ. بىرەۋلەر مەلبۋرن دەپ تە ويلاۋى مۇمكىن. ءبىراق ەلدىڭ رەسمي استاناسى - كانبەررا. سيدنەي مەن مەلبۋرن اۋسترالياداعى ءىرى قالالار عانا.

ەل استاناسىندا 400 مىڭنان استام ادام تۇرسا، سيدنەي مەن مەلبۋرننىڭ كانبەررادان تۇرعىندار سانى 10 ەسە ارتىق.

شۆەيتساريا

تاماشا تابيعاتىمەن تالايدى تاڭداندىراتىن شۆەيتساريانىڭ استاناسى جايلى ايتۋدىڭ ءوزى ءبىر قىزىق. كوپشىلىك جەنيەۆا نەمەسە تسيۋريح دەپ ويلاۋى مۇمكىن. ءبىراق بۇل ەلدىڭ رەسمي استاناسى - بەرن قالاسى. ءبىر قىزىعى، قۇجات جۇزىندە شۆەيتساريادا استانا جوق.

ا ق ش

امەريكا قۇراما شتاتتارى جايلى دا ايتا كەتكەن ارتىق بولماس. كەيدە ادامدار بۇل ەلدىڭ استاناسى نيۋ- يورك دەپ تە شاتاسادى ەكەن. بۇل قالا ەلدەگى بەيرەسمي استانا اتىنا يە. ءبىراق رەسمي استاناسى - ۆاشينگتون.

نيۋ- يوركتەگى تۇرعىندار سانى ۆاشينگتوننان 4 ەسە ارتىق.

موناكو

ەۋروپانىڭ وڭتۇستىگىندەگى شاعىن ەل جايلى اقپارات از ەمەس. استاناسى دا موناكو دەپ اتالادى. وندا 1000 عا جۋىق ادام تۇرادى. ال كەي ادام موناكونىڭ استاناسى مونتە- كارلو دەپ ويلايدى ەكەن.

تۇركيا

تۇرىك ەلىنىڭ استاناسىن قازاقستاندىقتار جاقسى بىلسە كەرەك. ءبىراق الەمدەگى كەي ەل تۇرعىندارى قاتەلەسىپ جاتادى. تۇركيانىڭ استاناسى - انكارا، ال ستامبۋل ءىرى قالاسى سانالادى.

كانادا

ۇيەڭكى جاپىراقتى ەلدىڭ دە ءىرى قالالارى كوپ. سوندىقتان استاناسى جايلى سۇراعاندا ءمۇدىرىپ كەتەتىندەر بار. بىرەۋ ۆانكۋۆەر، بىرەۋ تورونتو دەۋى مۇمكىن. تورونتو ءبىر كەزدەرى استانا بولعان، ال ۆانكۋۆەر استانا بولماعان. كانادانىڭ رەسمي استاناسى - وتتاۆا.

ءۇندىستان

ءۇندىستان - الەمدەگى الپاۋىت ەلدەردىڭ ءبىرى. حالىق سانى بويىنشا قىتايدان كەيىنگى ورىندا. ەلدىڭ ءىرى قالالارى كوپ. مۋمباي، دەلي، كالكۋتتا، بانگالور جانە ت. ب. ال اراسىنان استاناسىن اتاپ كورىڭىز.

ءۇندىستاننىڭ استاناسى - نيۋ- دەلي. مۋمباي ەلدەگى ەڭ ءىرى قالالاردىڭ ءبىرى عانا.

برازيليا

الەم حالقى بۇل ەلدى فۋتبولداعى جەتىستىگىمەن تانيدى. ال استاناسىن ءبىر ەستىسە ەسىنەن شىعارماس. دەگەنمەن سۇراي قالساڭ سان- پاۋلۋ دەپ جاۋاپ بەرەتىندەر از ەمەس ەكەن. نەگىزىنەن برازيليانىڭ استاناسى دا ەل اتاۋى سەكىلدى برازيليا دەپ اتالادى.

ۆەتنام

ازياداعى ەلدەردىڭ استاناسىن جاتتاۋ وڭاي ەمەس. ۆەتنامنىڭ استاناسىن سۇراعاندا بىرەۋلەر حانوي، بىرەۋلەر حوشيمين دەيدى ەكەن. انىعىندا بۇل ەلدىڭ استاناسى - حانوي، حوشيمين حالىق كوپ شوعىرلانعان ءىرى قالاسى.

ب ءا ا

بىرىككەن اراب امىرلىكتەرىنىڭ استاناسىن سۇراعاندا دا مۇدىرەتىندەر بار. دۋباي الدە ءابۋ- دابي. ەكەۋى دە كوپكە تانىمال قالالار. ال استاناسى - ءابۋ- دابي.

و ا ر

وڭتۇستىك افريكا رەسپۋبليكاسىنىڭ استاناسى - پرەتوريا. ال يوحاننەسبۋرگ ءىرى قالالارىنىڭ ءبىرى. ەكەۋى دە گاۋتەنگ پروۆينتسياسىندا ورنالاسقان جاقىن قالالار.

جاڭا زەلانديا

بۇل ەلدىڭ استاناسى وكلەند دەپ ويلايتىندار بار. وكلەند 1841-1865 -جىلدارى استانا بولعان. ءقازىر تۇرعىنى كوپ ءىرى قالالارىنىڭ ءبىرى. رەسمي استاناسى - ۆەللينگتون.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى