الەم ەلدەرى بريتان- شۆەد كومپانياسىنىڭ پرەپاراتىمەن ۆاكسينالاۋدى توقتاتتى

ەۋروپالىق ءدارى- دارمەك اگەنتتىگىنىڭ (EMA) تەكسەرۋى اياقتالعانعا دەيىن ۆاكسينا قولدانىلمايدى، دەپ حابارلايدى قازاقپارات اتالعان ۇيىمعا سىلتەمە جاساپ.

«AstraZeneca پرەپاراتىمەن ۆاكسينالاۋ EMA تەكسەرۋىنە دەيىن ساقتىق شاراسى رەتىندە توقتاتىلدى» - دەپ كورسەتىلگەن دەنساۋلىق ساقتاۋ باسقارماسىندا.

«شەشىم بۇل ساقتىق شاراسى بولىپ وتىر. ۆاكسينا كوپشىلىككە بەلگىلى، ءبىراق اگەنتتىك بۇل وقيعالاردىڭ ۆاكسيناتسيامەن بايلانىسى بار- جوعىن انىقتاعانعا دەيىن ۆاكسينانى توقتاتا تۇرۋ كەرەك»، - دەلىنگەن مەملەكەتتىك ەپيدەميولوگ اندەرس تەگنەل حابارلاماسىندا.

شۆەتسيادا ەكپە العانداردىڭ اراسىندا قان ۇيۋ جاعدايلارى تۋرالى ازىرگە حابارلانعان جوق.

جاپونيا دا AstraZeneca ۆاكسيناسىنا قاتىستى اقپارات جيناپ، ماسەلەنى قاراستىرىپ جاتىر. بۇل تۋرالى پرەمەر- مينيستر يەسيحيدو سۋگا كوروناۆيرۋسقا قارسى ۆاكسينانىڭ العاشقى دوزاسىن العان سوڭ مالىمدەدى.

ۇكىمەت باسشىسىنىڭ ايتۋىنشا، AstraZeneca-عا قاتىستى جاعدايدى دەنساۋلىق ساقتاۋ مينيسترلىگى تەكسەرىپ، ونى قولدانۋ تەك جان- جاقتى ساراپتامادان كەيىن عانا شەشىلمەك. جالپى قازىر كۇنشىعىس ەلىندە Pfizer كومپانياسىنىڭ ەكپەسىن قولدانۋعا عانا رۇقسات ەتىلگەن.

گەرمانيا بيلىگى دە AstraZeneca پرەپاراتىن ءوز ازاماتتارىنا ەكپەيتىن بولدى. ەلدە مۇنداي جاعداي 7 مارتە قانا تىركەلگەن. جالپى AstraZeneca ەكپەسىن گەرمانيادا 1,6 ميللين ادام قابىلداعان. ماماندار ۆاكسينادان كەيىن قانداي دا ءبىر شاعىم بولسا، دەرەۋ دارىگەرلەردىڭ كومەگىنە جۇگىنۋ كەرەك ەكەنىن ايتادى.

يەنس شپان، گەرمانيانىڭ دەنساۋلىق ساقتاۋ ءمينيسترى:

- الەم بويىنشا ميلليونداعان ادام AstraZeneca پرەپاراتىن قابىلداپ ۇلگەردى. ۆاكسينانىڭ الداعى تاعدارىن ەۋروپانىڭ ءدارى- دارمەك بويىنشا اگەنتتىگى شەشەتىن بولادى. ساراپشىلاردىڭ تولىق زەررەۋىنەن كەيىن عانا بۇل دارىگە قايتا سەنىم ارتا الامىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى