«جۇمابەكتىڭ باجاسى»: جول ەرەجەسىن بۇزعان جۇرگىزۋشى جاۋاپكەرشىلىككە تارتىلدى
وتكەن اپتادا الەۋمەتتىك جەلىلەرگە «ءشاۋىلدىر بىزدىكى» دەگەن اتپەن بەينەجازبا تاراعان بولاتىن. وندا ىشىمدىك ىشكەن جۇرگىزۋشى مەن جولاۋشىلارى ءشاۋىلدىر اۋىلىنداعى كوشەلەردىڭ بىرىندە قارسى باعىتپەن ءجۇرىپ، قاۋىپتى جاعداي تۋعىزعان. ولاردى جول پوليتسەيلەرى توقتاتىپ، قۇجاتتارىن تالاپ ەتكەنىمەن ءتارتىپ بۇزعاندار «جۇمابەكتىڭ باجاسىمىن» دەگەن ءبىر اۋىز سوزبەن قۇتىلىپ كەتكەن بولاتىن.
پوليتسەيلەر كەيىننەن «لادا پريورا» اۆتوكولىگىنىڭ جۇرگىزۋشىسىن تاۋىپ، ونى ەكى بىردەي باپپەن اكىمشىلىك جاۋاپكەرشىلىككە تارتتى. ال، بۇگىن ونىڭ باجاسى دەپ ايتقان تۋىسى، ءارى وتىرار اۋداندىق اكىمشىلىك پوليتسيا ءبولىمىنىڭ باستىعى جۇمابەك تولەگەن تارتىپتىك كوميسسيانىڭ شەشىمىمەن لاۋازىمىنان بوساتىلعانى حابارلاندى.
«ق ر مەملەكەتتىك قىزمەتشىلەرىنىڭ ادەپ كودەكسىنىڭ تارماقشالارىن جانە پوليتسيا ستانلارتىن بۇزعانى ءۇشىن تاپتىپتىك كوميسسيانىڭ شەشىمىمەن وتىرار اۋداندىق پوليتسيا ءبولىمىنىڭ اكىمشىلىك پوليتسيا بولىمشەسىنىڭ باستىعى، پوليتسيا مايورى جۇمابەك تولەگەن ءوز لاۋازىمىنان بوساتىلدى. ال جۇرگىزۋشىگە تولتىرىلعان حاتتامالار قازىرگى تاڭدا سوتقا جولداندى. سوت جۇرگىزۋشىنى زاڭعا سايكەس جارتى جىل مەرزىمگە جۇرگىزۋشى كۋالىگىنەن ايىرۋى مۇمكىن»، - دەيدى تۇركىستان وبلىستىق پ د باسپا ءسوز قىزمەتىنىڭ جەتەكشىسى سالتانات قاراكوزوۆا.
اۆتور: زارينا قاھارمان
