الماتى بازارلارىنان اقشا جيناعان شەنەۋنىك ۇستالدى

بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگى 1- دەپارتامەنتىنىڭ اسا ماڭىزدى ىستەر جونىندەگى تەرگەۋشىسى دانيار بيگايداروۆ ءمالىم ەتتى، دەپ حابارلايدى قازاقپارات ءتىلشىسى.

ونىڭ اتاپ وتۋىنشە، اگەنتتىكتىڭ الماتى قالالىق دەپارتامەنتى «قازاقستان رەسپۋبليكاسى اۋىل شارۋاشىلىعى مينيسترلىگىنىڭ الماتى قالاسى بويىنشا اگروونەركاسىپتىك كەشەندەگى مەملەكەتتىك اۋماقتىق ينسپەكتسيا كوميتەتى» م م كارانتيندىك، وسىمدىكتەردى قورعاۋ جانە فيتو- سانيتارلىق باقىلاۋ بەكەتتەرىن مەملەكەتتىك باقىلاۋ ءبولىمىنىڭ باسشىسىنا قاتىستى سوتقا دەيىنگى تەرگەۋدى باستادى.

«ول جۇيەلى نەگىزدە كاسىپكەرلىك سۋبەكتىلەرىنەن - الماتى قالاسىنىڭ ازىق- تۇلىك بازارلارىنىڭ اكىمشىلەرى مەن ديرەكتورلارىنان اكىمشىلىك جاۋاپكەرشىلىككە تارتپاعانى جانە فيتوسانيتاريالىق باقىلاۋدى جۇزەگە اسىرماعانى ءۇشىن 10 مىڭنان 60 مىڭ تەڭگەگە دەيىن پارا العان. ق ر ق ى ج ك- ءنىڭ 128-بابىنا سايكەس جوعارىدا اتالعان ءبولىم باسشىسى ۇستالىپ، الماتى قالالىق پوليتسيا دەپارتامەنتىنىڭ ۋاقىتشا وقشاۋلاعىشىنا قامالدى. قاجەتتى تەرگەۋ ارەكەتتەرى جۇرگىزىلۋدە. وزگە اقپارات تەرگەۋ مۇددەسىندە جاريا ەتۋگە جاتپايدى»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى