الماتىدا شەتەلدىك قىلمىستىق توپ وكىلدەرى ۇستالدى
«021 -جىلعى 18-اقپاندا ق ر ۇق ك الماتى قالاسى بويىنشا دەپارتامەنتى پوليتسيامەن بىرلەسىپ، ترانسۇلتتىق ۇيىمداسقان قىلمىستىق توپقا (ت ۇ ق ت) قاتىسۋشىلار ارەكەتىنىڭ جولىن كەسۋ بويىنشا ارنايى وپەراتسيا وتكىزدى. ءۇش ەر ادام، ولاردىڭ ەكەۋى تاجىكستان جانە بىرەۋى گرۋزيا ازاماتى، قالا كاسىپكەرلەرىنە قاتىستى اۋىر جانە اسا اۋىر قىلمىستار جاساۋعا دايىندالۋ كەزىندە ۇستالدى. قىلمىستىق نيەتتەرىن ىسكە اسىرۋ ءۇشىن ت ۇ ق ت مۇشەلەرى مەملەكەتتىك شەكارانى زاڭسىز كەسىپ ءوتىپ، ق ر اۋماعىندا استىرتىن بولعان»، دەلىنگەن حابارلاداما.
كوميتەتتىڭ مالىمەتىنشە، 2019 -جىلى توپ مۇشەلەرىنىڭ ءبىرى قازاقستاننىڭ قۇقىق قورعاۋ ورگاندارى تاراپىنان جاۋاپقا تارتىلىپ، ەلدەن شىعارىلعان. ۇستالعاندار بۇرىن بىرنەشە مارتە سوتتالعان جانە «ۇرىلار قاۋىمداستىعىنىڭ» ارەكەتىنە قاتىستارى بولعان. ولاردىڭ ءبىرى قوسارلى كىسى ءولتىرۋ بويىنشا جازاسىن رەسەيدە وتەگەن. ەكەۋىنىڭ قىلمىستىق ورتادا «ۇمتىلۋشىلار» («زاڭداعى ۇرى» اتاعىنا ۇمىتكەر) مارتەبەسى بار جانە «زاڭداعى ۇرىلار» ءازيز باتۋكايەۆپەن («ازيز»)، دەۆيد گەرليانيمەن («داتو سۆان»، 2017 -جىلى ۇ ق ك جاۋاپقا تارتقان) جانە باسقالارمەن بايلانىستا بولعان.
«ۇستاۋ بارىسىندا 2 اسكەري تاپانشا، 1 شولاق مىلتىق، ولاردىڭ وقتارى، بىرنەشە سۋىق قارۋ جانە باسقا دا قارۋ- جاراق پەن قىلمىس جاساۋ قۇرالدارى تابىلىپ، الىندى. توپقا قاتىسۋشىلار الماتى قالاسىندا تاجىك دياسپوراسىنىڭ كاسىپكەرلەرىنە تيەسىلى لومباردتارعا، ايىرباستاۋ پۋنكتتەرى مەن تۇرعىن ۇيلەرگە ءبىرقاتار قاراقشىلىق شابۋىل جاساۋ جانە ۇرلاۋ ءۇشىن تۇراقتى قىلمىستىق توپ قۇرۋدى، سونداي- اق ولاردان تۇراقتى نەگىزدە اقشالاي قاراجات الۋ ءۇشىن ولاردى «قامقورلىققا الۋدى» رەتتەپ قويۋدى جوسپارلاعان»، دەلىنگەن حابارلامادا.
قازىرگى ۋاقىتتا ۇستالعاندارعا قاتىستى قىلمىستىق كودەكستىڭ 287-بابى 3-بولىگى (قارۋدى زاڭسىز ساقتاۋ) بويىنشا قىلمىستىق ءىس قوزعالدى. 392-باپ (مەملەكەتتىك شەكارانى قاساقانا زاڭسىز كەسىپ ءوتۋ) بويىنشا قىلمىستىق ءىس قوزعاۋ تۋرالى ماسەلە شەشىلۋدە. ءىستىڭ وزگە دە ءمان- جايلارىن انىقتاۋ، سونداي- اق اتالعان ادامداردىڭ باسقا دا قىلمىستارعا قاتىستىلىعىن تەكسەرۋ جونىندەگى جەدەل- تەرگەۋ ءىس- شارالارى جالعاسۋدا.
