تەمىرتاۋدا «جاسىل بەلدەۋ» پايدا بولادى
بۇل تۋرالى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ حابارلايدى.
اتالعان شارانى تالقىلاۋ بويىنشا تەمىرتاۋ قالاسىنىڭ اكىمى، جەرگىلىكتى اتقارۋشى ورگاندار، «ارسەلورميتتال تەمىرتاۋ» ا ق، قازاق عىلىمي- زەرتتەۋ ينستيتۋتى، «كازگيپرولەسحوز- KZ» جوبالاۋ ينستيتۋتى جانە باسقا دا مۇددەلى ۆەدومستۆولار وكىلدەرىنىڭ قاتىسۋىمەن كەڭەس ءوتتى.
«تەمىرتاۋ قالاسىندا قالىپتاسقان ەكولوگيالىق جاعداي جەدەل شارالار قابىلداۋدى تالاپ ەتەدى. بيىلعى جىلى جاڭا ەكولوگيالىق كودەكس قابىلداندى، سونداي- اق وتكەن جىلى وڭىردەگى ەكولوگيالىق احۋالدى جاقسارتۋ جونىندەگى جول كارتاسى بەكىتىلدى. بۇل ءىس- شارالاردىڭ بارلىعى وسى باعىتتا ءتيىمدى كورسەتكىشتەرگە قول جەتكىزۋگە مۇمكىندىك بەرەدى. تەمىرتاۋ اينالاسىندا «جاسىل بەلدەۋ» قۇرۋ دا پارمەندى شارا بولاتىنىنا سەنىمدىمىن»، - دەدى ەرلان نىسانبايەۆ ءوز سوزىندە.
ونىڭ ايتۋىنشا، ەكولوگيا مينيسترلىگىنىڭ «جاسىل بەلدەۋ» قۇرۋ تاجىريبەسى بار. 1997 -جىلدان باستاپ ەلوردانىڭ اينالاسىندا «جاسىل بەلدەۋ» جوباسى جۇزەگە اسىرىلۋدا. 1997-2021 -جىلدار كەزەڭىندە اعاش وتىرعىزۋدىڭ جالپى اۋدانى 87 مىڭ گا قۇرادى. «نۇر- سۇلتان قالاسىنىڭ جاسىل ايماعىن قۇرۋ كەزىندە جيناقتالعان تاجىريبە تەمىرتاۋ اينالاسىندا «جاسىل بەلدەۋ» قۇرۋ كەزىندە دە قولدانىلادى»، - دەپ اتاپ ءوتتى ۆيتسە- مينيستر.
تالقىلاۋ بارىسىندا قازاق ورمان شارۋاشىلىعى عىلىمي- زەرتتەۋ ينستيتۋتى مەن «كازگيپرولەسحوز- KZ» جوبالاۋ ينستيتۋتىنىڭ باسشىلارى جاسىل القاپتى قالىپتاستىرۋداعى ءوز تاجىريبەلەرىمەن ءبولىستى، ولار «جاسىل بەلدەۋدى» قۇرۋ كوپ ۋاقىت پەن قارجىلىق شىعىنداردى تالاپ ەتەتىنىن ءتۇسىندىردى.
«اعاش وتىرعىزۋ جانە ولاردىڭ جەرسىنۋى ءۇشىن توپىراق تالداۋىن جۇرگىزۋ قاجەت. سودان كەيىن جەر جىرتۋدى باستاۋعا بولادى. بۇل جۇمىستار ەكى جىلدان استام ۋاقىتتى الادى. سوندا عانا اعاش وتىرعىزۋعا كىرىسۋگە بولادى»، - دەپ اتاپ ءوتتى ساراپشىلار.
«ارسەلورميتتال تەمىرتاۋ» كومپانياسىنىڭ باسشىلىعى ءوز كەزەگىندە جوبانى قولداۋعا جانە «جاسىل ايماقتا» 500 مىڭ اعاش وتىرعىزۋعا دايىن ەكەندىكتەرىن ءبىلدىردى. ۆيتسە- مينيستر جيىن قورىتىندىسى بويىنشا اكىمدىك «ارسەلورميتال تەمىرتاۋ» اق- مەن بىرلەسىپ قالانىڭ اينالاسىندا «جاسىل ايماق» قۇرۋ، سونداي- اق، تەمىرتاۋدىڭ ءوزىن كوگالداندىرۋ جونىندەگى ءىس- شارالار جوسپارىن ازىرلەۋ قاجەتتىگىن اتاپ ءوتتى.
