دانيار ەلەۋسىنوۆتىڭ كەلەسى كەزدەسۋى تۋرالى تىڭ اقپارات شىقتى
بۇعان دەيىن مەنەدجەر بوكسشىمىزدىڭ شارشى الاڭعا قاشان ورالاتىنى تۋرالى دا ايتىپ بەرگەن بولاتىن.
وتكەن جىلى ەلەۋسىنوۆ الەمنىڭ بۇرىنعى چەمپيونى دجۋليۋس يندونگونى جەڭىپ، IBF Inter- Continental بەلبەۋىن جەڭىپ الدى. بيىل قازاقستاندىق بوكسشى بۇدان دا مىقتى قارسىلاستارمەن جەكپە-جەك وتكىزۋدى جوسپارلاپ وتىر.
- جاقىندا دانياردىڭ كەلەسى جەكپە-جەگى قاشان وتەتىنىن جانە قارسىلاستىڭ كىم بولاتىنىن رەسمي حابارلايمىز، - دەپ باستادى اڭگىمەسىن اليەۆ.
- كەلەسى قارسىلاس داۆيد اۆانەسيان ەمەس پە؟
- جوق. مەن بۇعان دەيىن ايتقان ەم. دانياردىڭ كەلەسى قارسىلاسى داۆيد ەمەس.
- قانداي قارسىلاستاردى قاراستىرىپ جاتىرسىزدار؟
- ءالى كەلىسىمشارت جاسالمادى. سول ءۇشىن ەشتەمە ايتا المايمىن. بىرنەشە قارسىلاستاردى قاراستىرىپ جاتىرمىز. ولاردىڭ قاتارىندا مىقتى بوكسشىلار دا بار.
ايتا كەتەيىك، بۇعان دەيىن ەلەۋسىنوۆتىڭ كەلەسى كەزدەسۋىن مامىر نەمەسە ءساۋىر ايىندا شارشى الاڭعا قايتا ورالاتىنى تۋرالى اقپارات شىققان بولاتىن. ءبىراق اليەۆ بۇل اقپارات ءالى ناقتى ەمەس ەكەندىگىن ايتتى.
