قىتاي قارتتىق ماسەلەسىن باستى نازارعا الدى

قىتايدىڭ مۇنداي باستاماعا بارۋىنا ەلدە قارتتاردىڭ كوبەيۋى سەبەپ. قازىردىڭ وزىندە 1 ميللياردتان استام ازاماتى بار ەلدىڭ 18 پروتسەنتى 60-تان اسقان ادامدار. 13 جىلدان كەيىن بۇل كورسەتكىش 400 ميلليونعا جەتۋى مۇمكىن. قىتايدا قارتتار كوبەيگەن.

رەسمي مالىمەت بويىنشا 2019 -جىلى جاسى 60-تان اسقان ازاماتتاردىڭ سانى 18 پروتسەنتكە جەتتى. بۇل كورسەتكىش مۇنىمەن توقتاماي، الداعى ۋاقىتتا ودان سايىن ارتا ءتۇسۋى مۇمكىن دەيدى ماماندار. وسىعان بايلانىستى ەل بيلىگى قارتتىق ماسەلەسىنە ءجىتى كوڭىل بولمەك. ياعني ءاربىر شاعىن اۋداندا ارنايى ينفراقۇرىلىمدى دامىتۋ كوزدەلىپ وتىر. جوسپارعا سايكەس، قارتتارعا قاجەتتى قىزمەت ءتۇرىنىڭ بارلىعى قول سوزىم جەردە بولۋى كەرەك. ال ءوز كۇشىمەن جۇرە المايتىن ازاماتتارعا قىزمەت ءۇي جاعدايىندا كورسەتىلەدى.

سۋ بو، قارتتاردى كۇتۋ جونىندەگى ورتالىقتىڭ ديرەكتورى:

- قاجەت بولسا، ءبىزدىڭ ماماندار كۇن سايىن ءبىر ساعاتتاي ۋاقىت كۇتۋشى قىزمەتىن اتقارا الادى. وسىلايشا ازاماتتىڭ دەنساۋلىق جاعدايىن ۇنەمى نازاردا ۇستاپ، قاۋىپ تونە قالسا بىردەن كەرەك جەرگە حابار بەرە الادى. مۇنداي ورتالىقتاردا ەگدە جاستاعىلار تەك مەديتسينالىق كومەك عانا الىپ قويماي، ءوز ورتاسىن دا تابا الادى.

قىتايدا قازىر تەك قارت كىسىلەردەن تۇراتىن وتباسىلار كوبەيىپ كەتكەن. اسىرەسە اۋىلدى جەرلەردە. ال ولارعا كۇتىم كورسەتۋ ءۇشىن ەلدى مەكەندەرگە شامامەن 10 ميلليونداي مامان تارتۋ كەرەك ەكەن. وسى ماسەلەنى شەشۋ ءۇشىن ەل بيلىگى ەندى بۇل جۇمىسقا جاستاردى جۇمىلدىرماق.

سۋي جۋنحۋا، بۇكىل قىتايلىق حالىق وكىلدەرى جينالىسىنىڭ دەپۋتاتى:

- ۇكىمەت قارت كىسىلەرگە قامقورلىق كورسەتۋ سالاسىندا ەڭبەك ەتىپ جۇرگەن ج و و تۇلەكتەرىن قولداۋى كەرەك. بۇدان بولەك ءبىرىڭعاي كادرلىق بازا قۇرىپ، جۇمىسشىلاردىڭ بارلىعىنا بىردەي جاعداي جاسالۋىن قامتاماسىز ەتۋى شارت.

جالپى قىتايدا قارتتاردىڭ كوبەيە ءتۇسۋى ەلدەگى بالا تۋۋ كورسەتكىشىنىڭ تومەندەۋىمەن تىكەلەي بايلانىستى بولىپ وتىر. وڭىرلەردىڭ اركەلكى دامۋى دا وزىندىك اسەر بەرسە كەرەك. ويتكەنى جاس بۋىن جاقسى ءومىر ىزدەپ ءىرى قالاعا قونىس اۋدارسا، اعا بۋىن سول كۇيى اۋىلدى جەرلەردە قالىپ قويىپ جاتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى