قازاقستاندا قۇس تۇماۋىمەن جانە افريكالىق وبامەن كۇرەس قالاي ءجۇرىپ جاتىر
«نودۋليارلىق دەرماتيتكە قارسى ءىس- قيمىل ماقساتىندا «بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى» ر م ك 2019 -جىلى ۆاكسينا ازىرلەندى جانە قازىر وسى اۋرۋعا قارسى ۆاكسينا ق؛ر اۋىل شارۋاشىلىعى مينيسترلىگىنە جەتكىزىلىپ جاتىر. بۇگىنگى تاڭدا قازاقستانعا شەكارالاس رەسەي فەدەراتسياسى وبلىستارىندا جوعارى پاتوگەندى قۇس تۇماۋىنىڭ (ج پ ت) جانە افريكالىق شوشقا وباسىنىڭ وشاقتارى تىركەلۋدە. ەپيزووتيالىق احۋال 2020 -جىلعى تامىزدان قاراشاعا دەيىن ەلىمىزدىڭ 8 وبلىسىندا ج پ ت- نىڭ 95 وشاعى تىركەلگەنىن كورسەتەدى»، - دەپ جازدى اسقار مامين دەپۋتاتتىق ساۋالعا بەرگەن جاۋابىندا.
ونىڭ ايتۋىنشا، ج پ ت ءورشۋى كەزەڭىندە ۆەتەريناريالىق پرەپاراتتاردىڭ رەسپۋبليكالىق قورىنان قۇستاردى ءماجبۇرلى تۇردە ۆاكتسيناتسيالاۋدى جۇرگىزۋ ءۇشىن 220,7 ميلليون تەڭگەگە جوسپاردان تىس قوسىمشا 4,3 ميلليون دوزا ۆاكسينا ءبولىندى. جوسپارلى پروفيلاكتيكالىق شارالار اياسىندا قۇستاردى جوسپارلى ۆاكسيناتسيالاۋ ءۇشىن ج پ ت- عا قارسى ۆاكسينانىڭ 3,4 ميلليون دوزاسى بولىنگەن. ۆەتەريناريالىق- سانيتارلىق تالاپتارعا سايكەس ج پ ت- مەن اۋىراتىن بارلىق قۇستار جويىلدى جانە ولاردىڭ يەلەرىنە ورتاشا ايلىق نارىقتىق قۇنى بويىنشا وتەم جاسالدى. جوعارىدا كورسەتىلگەن كەزەڭدە بارلىعى 1,971 ميلليون قۇس تاركىلەندى جانە جويىلدى، ونىڭ %97 ى قۇس فابريكاسىنا تيەسىلى (سولتۇستىك قازاقستان وبلىسى – 2، قوستاناي وبلىسى - 1 جانە الماتى وبلىسى - 1).
«2020 -جىلدىڭ قورىتىندىسى بويىنشا ۇكىمەت تاركىلەنگەن جانە جويىلعان اۋرۋ قۇستاردىڭ قۇنىن وتەۋ ءۇشىن رەسپۋبليكالىق بيۋدجەتتەن 3 ميلليارد تەڭگە ءبولدى. سونىمەن بىرگە ق ر باس پروكۋراتۋراسى انىقتاعان بۇزۋشىلىقتاردى جويۋ بويىنشا 2021-2023 -جىلدارعا ارنالعان ءىس- شارالار جوسپارى ازىرلەندى جانە بەكىتىلدى. اتالعان شارالار جوسپارى اۋىل شارۋاشىلىعى جانۋارلارىن سايكەستەندىرۋ، ۆەتەريناريالىق- پروفيلاكتيكالىق ءىس- شارالاردى جوسپارلاۋ، ۆەتەريناريالىق پرەپاراتتاردىڭ ساپاسىن باقىلاۋ، ۆەتەريناريا سالاسىندا اعارتۋ جۇمىستارىن جۇرگىزۋ جانە سيفرلاندىرۋ قىزمەتتەرىن نىعايتۋعا باعىتتالعان شارالاردى قامتيدى»، - دەيدى ا. مامين.
