قازاقستاندىق ءانشى «ۋكراينا داۋىسى» بايقاۋىنا قاتىسادى
ديليارا الەمدىك جۇلدىز مەرايا كەريدىڭ «My All» ءانىن ورىنداعان. «جاڭا عانا قازاقستاننان كەلگەن قاتىسۋشى «ۋكراينا داۋىسى-11» تىڭدالىمىنىڭ سوڭعى كەزەڭىن جاپتى. وسىلايشا، 4 مىڭ شاقىرىمنان استام جول ءجۇرىپ كەلگەن ديليارا ديدار قىزى ولەگ ۆيننيكتىڭ كومانداسىنا سوڭعى قاتىسۋشى بولىپ ەندى. وتكەن جىلى ءوزىنىڭ وتانداستارى ينديرا مەن ەرلانعا جانكۇيەر بولعان بويجەتكەن قازىر ءوز باعىن سىناپ كوردى ، - دەپ جازدى س ن ارناسى.
ديلياراعا جاتتىقتىرۋشىلار دا، كورەرمەندەر دە تىك تۇرىپ قول سوققان. ءان سوڭىندا ولەگ ۆيننيك تۇيمەنى باسىپ، ديليارانى ءوز كومانداسىنىڭ سوڭعى مۇشەسى رەتىندە قابىلدادى.
«سەنىڭ ءۇمىتتى اقتاماۋعا ەش مۇمكىندىگىڭ جوق، سوندىقتان دا وسىندا كەلدىڭ، مەن دە وسىندا كەلدىم. مەن مۇندا ءبىرىنشى رەت جاتتىقتىرۋشى بولىپ وتىرمىن. مەن ءارقاشان ادامدارعا باقىت سىيلايمىن دەپ ايتامىن، مەن باقىتتىمىن جانە سەنىڭ دە باقىت سىيلاعانىڭدى قالايمىن. ءبىز مۇنى بىرگە جاسايمىز»، - دەپ قولداۋ كورسەتتى و. ۆيننيك.
