امەريكالىق بوكسشى نە ءۇشىن الي احمەدوۆپەن كەزدەسۋدەن باس تارتقانىن ايتىپ بەردى

ءبىراق ول جەكپە-جەكتەن باس تارتتى.

Vesti.kz پورتالىنا بەرگەن سۇقباتىندا ول نە ءۇشىن كەزدەسۋدەن باس تارتقانىن ايتىپ بەردى.

BoxRec اقپاراتى بويىنشا، ون راۋندقا جوسپارلانعان بۇل كەزدەسۋ 12-ناۋرىز كۇنى پلانت-سيتي (فلوريدا شتاتى، ا ق ش) قالاسىندا كەزدەسۋى كەرەك بولاتىن. ءبىراق امەريكالىق بوكسشى باس تارتتى.

«مەن نەگىزى احمەدوۆپەن كەزدەسكىم كەلدى. ءبىز جاقسى ايقاس كورسەتەتىن ەدىك. ءبىراق ونىڭ پروموۋتەرى ماعان وتە از اقشا ۇسىندى. وسىدان كەيىن پروموۋتەردىك احمەدوۆكە سەنبەيدى مە دەپ ويلادىم. ولار ماعان سوڭعى رەت اقپاننىڭ ورتاسىندا حابارلاستى. ەندى Box Rec-كە قاراماي-اق قويىڭىزدار. ءبىزدىڭ جەكپە-جەگىمىز وتپەيدى»، - دەدى سيگمون.

بۇل كەزدەسۋ احمەدوۆ ءۇشىن 2021-جىلداعى ءبىرىنشى جەكپە-جەك بولۋى كەرەك ەدى. وتانداسىمىز سوڭعى رەت شارشى الاڭعا وتكەن جىلدىڭ جەلتوقسان ايىندا وتكىزىپ، IBO بەلبەۋى ءۇشىن كەزدەسۋدە ەكۆادورلىق كارلوس گونگورادان (18-0، 13 ك و) جەڭىلىپ قالدى.

ەسكە سالايىق، احمەدوۆ كاسىپقوي بوكستاعى كارەراسىن 2016-جىلى باستادى. ال 2019-جىلدان بەرى GGG Promotions كومپانياسىمەن جۇمىس ىستەپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى