توتەنشە جاعدايلار ءمينيسترى ۋلى گازدان قازا تابۋ وقيعالارىنا پىكىر ءبىلدىردى

«ءبىزدىڭ مينيسترلىك اتىنان جانە ءوز اتىمنان تۇركىستان وبلىسىندا قازا تاپقانداردىڭ جاقىندارىنا كوڭىل ايتامىن. وكىنىشكە قاراي مۇنداي جاعدايلار از ەمەس. كەشە عانا ماڭعىستاۋ وبلىسىندا ەكى ادام گاز باللون جابدىعىنداعى ۋلى گازدان ۋلانىپ، قازا تاپتى. تۇركىستان وبلىسىندا گاز جابدىعىن پايدالانعان جاس جىگىت قايتىس بولدى»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.

ەسكە سالا كەتسەك، 17-اقپاندا تۇركىستان وبلىسىنداعى جەكە تۇرعىن ۇيدە 5 ادامنىڭ دەنەسى تابىلدى، ونىڭ تورتەۋى كامەتلەكەتكە تولماعان. تەكسەرۋ بارىسىندا 3 بولمەلى ۇيدە كامين تۇرىندەگى پەش (يران پەشى) ورناتىلعانى جانە وعان گوفرلەنگەن بۇرعىش قوسىلعانى انىقتالدى. ول 1,5 مەتر قاشىقتىقتا قابىرعاداعى تەسىك ارقىلى كوشەگە شىعارىلعان. سىرتقى جاعىنان گوفرلەنگەن روزەتكا 5-7 س م عانا قۇرايدى، وسىلايشا قاتتى جەل پەشتەگى تارتىلىستىڭ ناشارلاۋىنا ىقپال ەتىپ، ۋلى گاز بولمە ىشىنە تارالعان.

مينيسترلىك دەرەكتەرىنە سايكەس، 2020 -جىلى ءورت شىقپاي تابيعي گازبەن ۋلانۋ سالدارىنان 22 ادام، گاز باللون قوندىرعىلارىنىڭ جارىلىسىنان 11 ادام قايتىس بولدى، گاز باللون قوندىرعىلارىنىڭ 32 جارىلىسى تىركەلدى. بۇدان باسقا، ماماندار اۆتونومدى جىلىتۋ جۇيەلەرى بار 2 ميلليون جۋىق تۇرعىن ءۇيدى ارالادى، 4 ميلليون استام ازاماتقا نۇسقاۋ بەرىلگەن. اكىمدىكتەرمەن بىرلەسىپ، اۆتونومدى جىلىتۋ جۇيەسى بار ۇيلەرگە داتچيكتەر ورناتۋ پراكتيكاسى جالعاسىپ كەلەدى، بارلىعى 118 مىڭنان استام داتچيك ورناتىلعان.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى