ەكىباستۇزدا كوشەدە ەر ادامدى اتىپ ولتىرگەن كۇدىكتى ۇستالدى

پاۆلودار وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتى بويىنشا، 23-اقپان كۇنى ساعات 08:00-دە ساتبايەۆ كوشەسىندەگى ءۇيدىڭ اۋلاسىندا بەلگىسىز ادام وزگە ەر ادامعا وق اتىپ، ول وقيعا ورنىندا كوز جۇمعان. اتالعان فاكتى بويىنشا ق ر ق ك 99-بابى 1-بولىگىنە سايكەس سوتقا دەيىنگى تەرگەۋ باستالدى.

«جەدەل-ىزدەستىرۋ ءىس- شارالارىنىڭ ناتيجەسىندە پوليتسيا قىزمەتكەرلەرى وسى قىلمىستى جاسادى دەگەن كۇدىكپەن 65 جاستاعى ەر ادامدى ۇستادى. وقيعانىڭ ءمان-جايى مەن سەبەپتەرى انىقتالۋدا. كۇدىكتى ەكىباستۇز قالاسىنىڭ ۋاقىتشا ۇستاۋ يزولياتورىنا قامالدى. قارۋ-جاراق تاركىلەندى. قازاقستان رەسپۋبليكاسى ق پ ك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريالانبايدى»، - دەپ حابارلادى پ د باستىعى نۇرلان ءماسىموۆ.

ەسكە سالا كەتەيىك، كەشە ەكىباستۇزدا قالا تۇرعىندارىنىڭ كوزىنشە ەر ادامدى اتىپ كەتكەن بولاتىن. قىلمىس بارىسى كوشەدەگى بەينەباقىلاۋ كامەرالارىنا ءتۇسىپ قالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى