دۇنيەجۇزىلىك دەنساۋلىق ساقتاۋ ۇيىمى الەمدەگى كوروناۆيرۋس جاعدايىنا باعا بەردى

د د ۇ مالىمەتىنشە، الەمدە كوروناۆيرۋس ينفەكسياسىنىڭ جاڭا جاعدايلارى مەن COVID-19 قۇرباندارىنىڭ سانى ازايىپ كەلەدى، - دەپ حابارلايدى Tengrinews.kz ءتىلشىسى.

الەمدە تىركەلگەن جاڭا جاعدايلار سانى التىنشى اپتا قاتارىنان تومەندەپ كەلەدى: وتكەن اپتادا 2,4 ميلليون جاڭا جاعداي تىركەلدى، بۇل الدىڭعى اپتاعا قاراعاندا 11 پايىزعا از. سوڭعى ءۇش اپتادا ءولىم سانى دا تومەندەپ جاتىر: وتكەن اپتادا 66 مىڭعا جۋىق ادام كوز جۇمدى، بۇل الدىڭعى اپتاعا قاراعاندا 20 پايىزعا از.

الايدا د د ۇ مالىمەتىنشە، كوروناۆيرۋستىڭ جاڭا شتامدارى تاراۋىن توقتاتار ەمەس. مىسالى، «ۇلى بريتانيالىق» شتامم 101 ەلدە انىقتالدى (الدىڭعى اپتاعا قاراعاندا جەتى ەلگە كوپ)، «وڭتۇستىك افريكا» شتامى - 51 ەلدە (+ بەس ەل)، ال «برازيليالىق» شتامم - 29 (+ سەگىز ەل).

ۇيىم مالىمەتىنە سايكەس، الەمدە 15-21-اقپان ارالىعىندا ءبىر اپتا ىشىندە 2457026 جاڭا جاعداي جانە 66359 ءولىم تىركەلگەن.

ەسكە سالايىق، قازاقستاندا كەيىنگى تاۋلىكتە 753 ادام كوروناۆيرۋس جۇقتىردى. جالپى ەلدە 209562 جاعداي راستالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى