پەتروپاۆلدا بولعان جارىلىستا كىمدەردىڭ قازا تاپقاندىعى انىقتالدى

سولتۇستىك قازاقستان وبلىسى پوليسيا دەپارتامەنتى باسپا ءسوز قىزمەتىنىڭ مالىمەتىنشە، گاز باللونى پەتروپاۆلداعى 5 قاباتتى جاتاقحانانىڭ ءبىرىنشى قاباتىندا ورنالاسقان «قارا جورعا» ءدامحاناسىندا جارىلعان. جارىلىس بولعان كەزدە ءدامحانادا ونى جالعا الۋشى جىگىت، 3 جۇمىسشى جانە 4 كەلۋشى، ال كورشى ورنالاسقان «ۆەرسال» شاشتارازىندا 4 ادام بولعان. جارىلىستىڭ ارتى ورتكە ۇلاسىپ، سالدارىنان ءدامحانا عانا ەمەس، جاپسارلاس ءۇي- جاي جانە جاتاقحانانىڭ كورشى بولمەلەرى زاقىمداندى. گاز باللونىنىڭ جارىلۋىنان ءدامحانانىڭ 1999 -جىلعى جۇمىسشىسى مەرت بولدى.

ونىڭ دەنەسى ءورت سوندىرىلگەننەن كەيىن ءۇيىندىنىڭ استىنان شىعارىلدى. ال ءدامحانانى جالعا العان 1996 -جىلى تۋعان ەر ادام پەتروپاۆلداعى قالالىق كوپبەيىندى اۋرۋحانادا العان كۇيىكتەن قايتىس بولدى. جەدەل- تەرگەۋ توبى وقيعا ورنىنان، «قارا جورعا» ءدامحاناسىنىڭ اس ءۇيى بولعان جەردەن جارىلعان 25 ليترلىك گاز باللونىن، گاز پليتاسىنىڭ شلانگىسىن جانە ەكى كومفوركاسىن تاپتى. پ د باستىعى مارات تولەبايەۆتىڭ ايتۋىنشا، وسى ءىس بويىنشا ءبىرقاتار ءتيىستى ساراپتامالار تاعايىندالدى. سونىڭ ىشىندە ءورت- تەحنيكالىق سقو ساراپتاما دا بار.

قىلمىستىق ءىستىڭ تەرگەلۋ بارىسى وبلىستىڭ باس پوليتسەيى مەن پروكۋرورىنىڭ باقىلاۋىندا بولادى. ەستەرىڭىزگە سالايىق، 21-اقپان كۇنى پەتروپاۆلداعى 5 قاباتتى تۇرعىن ءۇيدىڭ ءبىرىنشى قاباتىندا ورنالاسقان ءدامحانادا گاز باللونى جارىلىپ ، ەكى ادام قازا تاپتى. وسى وقيعاعا بايلانىستى قىلمىستىق ءىس قوزعالدى. سونداي- اق زارداپ شەككەندەردىڭ ۇشەۋىنىڭ جاعدايى اۋىر ەكەنى حابارلاندى. س ق و اكىمى جارىلىستان زارداپ شەككەن پاتەر يەلەرىنە كومەك كورسەتىلەتىنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى