بارلىق سالادا شيكىزات پەن ماتەريال باعاسىنىڭ ءوسۋ قارقىنى باياۋلادى

ونىڭ ايتۋىنشا، كاسىپورىندار اراسىندا ۇلتتىق بانك جۇرگىزگەن ساۋالناما ناتيجەلەرى بويىنشا 2020 -جىلدىڭ IV توقسانىندا بارلىق سالادا باسەكەلەستىكتىڭ ماڭىزدىلىعى جوعارى دەڭگەيگە يە بولعان. ساۋدا كاسىپورىندارى نارىقتىق باسەكەنىڭ ىقپالىنا كوپ ۇشىرايدى، مۇندا رەسپوندەنتتەردىڭ % 42,5- ى باسەكەلەستىكتىڭ ءوز بيزنەسىنە اسەر ەتكەنىن ايتادى. وڭدەۋ ونەركاسىبىندە مۇنداي كاسىپورىنداردىڭ ۇلەسى % 31,0- عا جەتەدى، ال تاۋ- كەن ونەركاسىبىندە % 12,2 عانا. IV توقساندا دايىن ونىمگە قاتىستى سۇرانىس جاعدايى ءبىرشاما جاقساردى.

اۋىل شارۋاشىلىعىندا ديففۋزيا يندەكسى - 57,5 سۇرانىس تا ءوسىپ كەلەدى، وڭدەۋ ونەركاسىبى وڭ ايماققا كىردى (دي - 51,7)، كولىك، قۇرىلىس جانە تاۋ- كەن ونەركاسىبىندە قۇلدىراۋ باسەڭدەدى. ساۋدا سالاسىندا سۇرانىستىڭ تومەندەۋى تۇراقتالدى. سونىمەن بىرگە بارلىق سالادا شيكىزات پەن ماتەريال باعاسىنىڭ ءوسۋ قارقىنى باياۋلادى.

«2021 -جىلدىڭ ءى توقسانىندا سۇرانىس جاعدايى ودان ءارى جاقسارادى دەپ كۇتىلەدى، دي- ءدىڭ ەڭ ۇلكەن ءوسىمى وڭدەۋ ونەركاسىبىندە (دي - 58,1) ، قۇرىلىستا (دي - 59,6) جانە ساۋدادا (دي - 56,1) بولادى دەپ بولجانۋدا. كاسىپورىندار دايىن ونىمگە سۇرانىستىڭ ءوسۋىن، شيكىزات پەن ماتەريالدار باعاسىنىڭ ءوسۋىنىڭ جەدەلدەۋىن، سونداي- اق جالاقى جاعدايىنىڭ جاقسارۋىن كۇتەدى. سونىمەن بىرگە ءوندىرىس كولەمىنىڭ ماۋسىمدىق تومەندەۋى بولۋى مۇمكىن»، - دەيدى جاندوس شايماردانوۆ.

ساۋالناماعا بارلىعى 2,6 مىڭنان استام تاۋ- كەن جانە وڭدەۋ ونەركاسىبى، قۇرىلىس، ساۋدا، اۋىل شارۋاشىلىعى، كولىك جانە قويما كاسىپورىندارى قاتىستى.

اۆتور: الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى