الماتى وبلىسىنىڭ ءۇش ەلدى مەكەنىن سۋ باستى - ۆيدەو
بۇل تۋرالى ق ر توتەنشە جاعدايلار مينيسترلىگىنىڭ رەسمي وكىلى تالعات ءۋالي مالىمدەدى، دەپ حابارلايدى قازاقپارات.
ونىڭ دەرەكتەرىنە قاراعاندا، الماتى وبلىسىنداعى ەسكەلدى اۋدانىنىڭ ەشكىولمەس جانە ا. الدابەرگەنوۆ اۋىلىن، سونداي- اق كوكسۋ اۋدانىنىڭ تالاپتى اۋىلىن سۋ باسقان.
«8-اقپان كۇنى تۇندە الماتى وبلىسىنىڭ ت ج د- عا 3 ەلدى مەكەنىندە جەكە تۇرعىن ۇيلەردىڭ 40 اۋلاسى سۋ استىندا قالعانى تۋرالى حابارلاما كەلىپ ءتۇستى. الماتى وبلىسى ت ج د جانە جەرگىلىكتى اتقارۋشى ورگانداردىڭ قىزمەتكەرلەرىم ەسكەلدى اۋدانى ەشكىولمەس اۋىلىنداعى وقيعا ورنىنان 10 ادامدى ەۆاكۋاتسيالادى جانە ولار ورتا مەكتەپكە ورنالاستىرىلدى. موتوپومپالاردىڭ كومەگىمەن سۋ سورعىتىلدى. ت ج د- دا جەدەل شتاب قۇرىلىپ، جەدەل جەلى جۇمىس ىستەپ جاتىر. قازىرگى ۋاقىتتا ارىقتاردى تەرەڭدەتۋ، ءۇيىندى بوگەت سالۋ جانە ەرىگەن سۋدى بۇرۋ بويىنشا جۇمىستار جۇرگىزىلىپ جاتىر»، - دەدى رەسمي وكىل.
ول كەلتىرگەن دەرەكتەرگە قاراعاندا، سۋ باسقان جەرلەردە بارلىعى الماتى وبلىسى ت ج د كۇشتەرى مەن قۇرالدارى 67 قىزمەتكەر، 15 بىرلىك تەحنيكا، 18 موتوپومپا، جەرگىلىكتى اتقارۋشى ورگانداردان 28 قىزمەتكەر، 5 بىرلىك تەحنيكا جانە 5 بىرلىك موتوپومپا، ا پ ب 7 قىزمەتكەر، 3 بىرلىك تەحنيكا جۇمىلدىرىلدى.
«ق ر ت ج م ازاماتتاردان سۋ تاسقىنى قاۋپى بار كەزەڭدە قاۋىپسىزدىك ەرەجەلەرىن ساقتاۋدى، اۋلا اۋماقتارىنا ىرگەلەس ارىق جەلىلەرىن قار مەن قوقىستان ۋاقىتىلى تازارتۋدى سۇرايدى. قۇتقارۋ قىزمەتىنىڭ ءبىرىڭعاي تەلەفونى 101 نەمەسە 112»، - دەلىنگەن حابارلامادا.
