دەنساۋلىق مينيسترلىگى ۆاكسينا تۋرالى قاڭقۋ سوزدەرگە جاۋاپ بەردى

«بۇگىن سىزدەردىڭ (ب ا ق وكىلدەرى - رەد. ) الدارىڭىزدا وسى قوراپتار مۇزداتقىشتان شىعارىلدى جانە اشىلدى. فلاكوننىڭ قالاي اشىلعانىنا كۋا بولدىڭىزدار. مۇندا بوتەن ادامدارمەن ەشقانداي مانيپۋلياتسيا جاسالماعانىن كوردىڭىزدەر. بارلىعى قولدانىستاعى نۇسقاۋلار شەڭبەرىندە جاسالۋدا. ەندى ءبىزدىڭ ۆاكسينا العانىمىزدىڭ شىن ەكەنىن تىلشىلەر جەتكىزۋى كەرەك دەپ ويلايمىن»، - دەپ جاۋاپ بەردى ەرلان قياسوۆ №6-قالالىق ەمحانادا تىلشىلەرگە بەرگەن سۇحباتىندا.

ەسكە سالا كەتسەك، ەلورداداعى №6-قالالىق ەمحانادا ق ر دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتار دارىگەر ەرلان قياسوۆ پەن دەنساۋلىق ساقتاۋ ۆيتسە-ءمينيسترى اجار عينيات كوروناۆيرۋسقا قارسى ۆاكسينا سالدىردى. بۇگىن قازاقستاندا كوروناۆيرۋس ينفەكسياسىن جۇقتىرۋ جانە تاراتۋ تاۋەكەلى جوعارى ساناتتاردى كوروناۆيرۋسقا قارسى ۆاكسينالاۋ باستالدى. قازاقستاندا ۆاكسينا ەرىكتى تۇردە سالىنادى.

ودان كەيىن 15-اقپاننان باستاپ، ۆاكسينالاۋ پروتسەسىنە قاراعاندى فارماتسيەۆتيكالىق كەشەنىنىڭ بازاسىندا وندىرىلگەن گام- كوۆيد- ۆاك ۆاكسيناسى قوسىلادى. ال 2021 -جىلدىڭ 2-توقسانىنان باستاپ ۆاكسينالاۋ پروتسەسىنە وتاندىق - QazCovid-In پرەپاراتىن قوسۋ جوسپارلانىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى