الماتىدا بلوكپوست قويىلا ما
«قازىر وسى ماسەلەگە بايلانىستى كريتەرييلەر ايقىندالدى. الماتىداعى اۋرۋشاڭدىق كولەمى بلوكپوست قويۋدى نەمەسە اۋە قاتىناسىن توقتاتۋدى تالاپ ەتپەيدى. قازىر قابىلدانىپ وتىرعان شەكتەۋ شارالارى ۆيرۋستىڭ تارالۋىنىڭ الدىن الۋعا جەتكىلىكتى»، - دەدى جانداربەك بەكشين.
ايتا كەتۋ كەرەك، الماتى قالاسى قىزىل ايماققا ەنۋىنە بايلانىستى قالالىق سانيتاريالىق- ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين جاڭا قاۋلى قابىلداعان بولاتىن. قاۋلىعا سايكەس ساۋدا، ويىن- ساۋىق ورتالىقتارى مەن بازارلار سەنبى- جەكسەنبى كۇنى جۇمىس ىستەمەيدى. ال كينوتەاترلار مەن تەاترلاردىڭ جۇمىسى ۋاقىتشا توقتاتىلدى. سونىمەن قاتار، جاڭا قاۋلىعا سايكەس ەندى كوروناۆيرۋس جۇقتىرعان ادامدار اۋرۋحاناعا جاتىپ ەمدەلەدى.
«بۇل جولى قوعامدىق كولىكتىڭ جۇرىسىنە قاتىستى ەشقانداي شەكتەۋ جوق. قوعامدىق كولىك دەمالىس كۇندەرى قاتىنايتىن بولادى»، - دەدى ول.
اۆتور: گۇلميرا عوسمانالي
