كۇتۋگە ۋاقىتىمىز دا، قۇقىعىمىز دا جوق - مامان كوروناۆيرۋسقا قارسى ۆاكسيناتسيا جايلى

ەندەشە شەتەلدەن ساتىپ الماي، نەلىكتەن وتاندىق ۆاكسينانى حالىققا سالا بەرمەدىك؟

بۇگىنگى ونلاين كونفەرەنسيا بارىسىندا تىلشىلەردىڭ ءبىرىنىڭ وسىنداي سۇراعىنا ق ر د س م سانيتاريالىق- ەپيدەميولوگيالىق باقىلاۋ كوميتەتىنىڭ ۆاكسيناعا كونەتىن ينفەكسيالاردى باقىلاۋ باسقارماسىنىڭ باسشىسى نۇرشاي ازىمبايەۆا جاۋاپ بەردى، دەپ حابارلايدى قازاقپارات ءتىلشىسى.

«كۇتۋگە قۇقىعىمىز دا، ۋاقىتىمىز دا جوق. سەبەبى كۇن سايىن ەلىمىزدە قانشا ادامنىڭ كوروناۆيرۋستى جۇقتىرىپ جاتقانىن كورىپ وتىرسىزدار. وتكەن جىلدىڭ قاراشا ايىنان بەرى ىندەت قايتادان ۇدەدى. سوندىقتان جاعدايدىڭ ءوزى بىزگە باسقا امال قالدىراتىن ەمەس. حالىق جاپپاي اۋىرىپ بولعانىن كۇتە المايمىز. ويتكەنى ينفەكسيانى توقتاتپاۋدىڭ سالدارى اۋىر. بۇكىل الەم ۆاكسينالاۋدى باستاپ كەتتى. ۇكىمەت قولجەتىمدى امالداردىڭ ءبارىن جاساپ جاتىر. Qaz Covid-in ۆاكسيناسى دايىن بولماي تۇرىپ- اق حالىقتىڭ وسال كونتينگگەنتىن باسقا ۆاكسينامەن ساقتاۋعا مۇمكىندىك بار»، - دەدى نۇرشاي ازىمبايەۆا.

ايتا كەتسەك، بۇعان دەيىن نۇرشاي ازىمبايەۆا Qaz Covid-in ەكپەسىنىڭ «سپۋتنيك V» ۆاكسيناسىنان ايىرماشىلىعى قانداي ەكەنىن ءتۇسىندىرىپ بەرگەن بولاتىن.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى