قازاقستاندىقتار درون كومەگىمەن وزبەكستانعا قارۋ وتكىزگەن
ولاردىڭ ءبىرى بۇرىن كىسى ولتىرگەنى ءۇشىن سوتتالعانى انىقتالدى. ءبىراق زاڭسىز وپەراتسيا ءساتسىز اياقتالعان. شەكاراشىلار دروندى بايقاپ قالدى، - دەپ حابارلايدى Tengrinews.kz ءتىلشىسى «ۋزبەكيستان 24» تەلەارناسىنا سىلتەمە جاساپ.
وزبەكستان شەكاراشىلارى قازاقستانمەن شەكاراعا جاقىن جەردە ەكى ازاماتتى ۇستادى.
ساراپتاما قورىتىندىسىنا سايكەس، درون كومەگىمەن ماكاروۆ تاپانشاسى شەكارادان وتكىزىلگەن. وندا التى جاۋىنگەرلىك پاترون بولدى.
تەرگەۋگە دەيىنگى تەكسەرۋ بارىسىندا قارۋدى قازاقستان ازاماتىنان ءتورت مىڭ ا ق ش دوللارىنا ساتىپ الىنعانى انىقتالدى.
ۇستالعانداردىڭ ءبىرى 2012-جىلى وزبەكستان ق ك- ءنىڭ 97-بابى «قاساقانا ادام ءولتىرۋ» بويىنشا سوتتالعان. 2019-جىلى ق ك- ءنىڭ 169-بابى «ۇرلىق» بويىنشا كىنالى دەپ تانىلىپ، ءۇش جىل مەرزىمگە تۇزەۋ جۇمىستارى تۇرىندەگى جازا كەسىلگەن.
قازىرگى ۋاقىتتا ەكى ازاماتقا قاتىستى وزبەكستان ق ك- ءنىڭ 246-بابى «كونتراباندا» بويىنشا قىلمىستىق تەرگەۋ جۇرگىزىلەدى جانە بۇلتارتپاۋ شاراسى بويىنشا قاماۋعا الىندى.
