ءدارى-دارمەكتىڭ شەكتى باعاسىن تومەندەتۋ ءۇشىن قانداي شارالار قولدانىلۋدا – ق ر د س م
ق ر دەنساۋلىق ساقتاۋ مينيسترلىگى فارماتسيەۆتيكالىق ساياسات دەپارتامەنتى ديرەكتورىنىڭ مىندەتىن اتقارۋشى بوتاگوز سىزدىقوۆانىڭ ايتۋىنشا، شەكتى باعانى تومەندەتۋ ءۇشىن ماركەتينگتىك شىعىندار الىنىپ تاستالدى، سونداي- اق كوتەرمە جانە بولشەك ساۋدا باعالارى دا ازايتىلدى، دەپ حابارلايدى قازاقپارات ءتىلشىسى.
«مينيسترلىك قابىلداعان شەشىمدەر، ەڭ الدىمەن، ءبىزدىڭ ازاماتتارىمىزدىڭ مۇددەلەرىن قورعاۋعا، ولاردى ءدارىحانالارداعى باعانىڭ نەگىزسىز وسۋىنەن قورعاۋعا باعىتتالعان. كەز كەلگەن تەكسەرۋ، ونىڭ ىشىندە باعا شەكتەۋلەرىن ساقتاۋعا قاتىستى تەكسەرۋ ءدارىحانالارعا عانا ەمەس، وندىرۋشىلەر مەن كوتەرمە باعامەن ساتۋشىلارعا دا قاتىستى. سونىمەن قاتار، ءار ناقتى جاعدايدا، ناقتى ساۋدا اتاۋى جانە ءار شەكتى باعا ءۇشىن دەنساۋلىق ساقتاۋ مينيسترلىگى ديالوگقا دايىن. بۇل شەشىم ناۋقاستاردىڭ قۇقىعىن قورعاۋ ماقساتىندا قابىلداندى. كوروناۆيرۋس ينفەكسياسىنىڭ ءورشۋ كەزەڭىنىڭ جازعى كەزەڭىندە ءدارىحانالاردا ءدارى- دارمەكتەر باعالارىنىڭ جوعارىلاۋى فاكتىلەرى ورىن الدى. جۇرگىزىلگەن تەكسەرۋلەر ناتيجەسىندە كەيبىر جاعدايلاردا باعانى نەگىزسىز كوتەرۋ فاكتىلەرى راستالدى. ءتيىستى تەرگەۋ جۇمىستارى جۇرگىزىلىپ، اكىمشىلىك شارالار قولدانىلدى. دەنساۋلىق ساقتاۋ مينيسترلىگى توتەنشە جاعدايلار كەزىندە جۇقپالى اۋرۋلاردىڭ كوبەيىپ كەتۋ جاعدايىندا باعا شەكتەرىن بەلگىلەۋدىڭ ارنايى ءتارتىبىن بەلگىلەدى»، - دەيدى بوتاگوز سىزدىقوۆا. ونىڭ ايتۋىنشا، شەكتى باعانى تومەندەتۋ ءۇشىن ماركەتينگتىك شىعىندار الىنىپ تاستالدى، سونداي- اق كوتەرمە جانە بولشەك ساۋدا باعالارى دا ازايتىلدى.
«مەن ارىپتەستەرىمنىڭ نە ءۇشىن الاڭدايتىنىن تۇسىنەمىن. تەكسەرۋ كەزىندە ءار جاعدايدا قاتىستى جەكە ءتاسىل قولدانىلادى. تەكسەرۋلەر ءدارىحانا ۇيىمدارىنا عانا جۇرگىزىلمەيدى. كوتەرمە باعانى قايتا تىركەۋدى جۇزەگە اسىرعان كەزدە شەكتى باعانى بەلگىلەۋ قاعيداتتارىنا ساي ارەكەت ەتۋ ءبىرىنشى كەزەكتە وندىرۋشىلەردەن جانە ديستريبيۋتورلاردان دا تالاپ ەتىلەدى»، - دەيدى ول. سونداي-اق، ول كوروناۆيرۋسپەن اۋىرعان ناۋقاستارعا تەگىن ءدارى- دارمەك قاراستىرىلعانىن ايتتى. «كوروناۆيرۋس ينفەكسياسىمەن اۋىراتىن ناۋقاستار تەگىن ءدارى- دارمەكپەن قامتاماسىز ەتىلەتىنىن ايتقىم كەلەدى. اۋىرىپ قالعان جاعدايدا تىركەلگەن ەمحاناعا جۇگىنۋىڭىز كەرەك، ول جەردە ءسىزدى ەمدەيتىن دارىگەر قاجەتتى ءدارى- دارمەكتەردى جازىپ بەرەدى. دارىگەر كوبىنەسە دەنە قىزۋىن تۇسىرەتىن دارىلەردى جازىپ بەرەدى، ال قان قىسىمى جوعارى، قانت ديابەتى، دەمىكپە سياقتى سوزىلمالى اۋرۋلارى بار ادامدار مەن اياعى اۋىر ايەلدەرگە اۋرۋدىڭ اسقىنۋىن تەجەيتىن باسقا دا دارىلەر جازىپ بەرەدى»، - دەيدى ق ر دەنساۋلىق ساقتاۋ مينيسترلىگى فارماتسيەۆتيكالىق ساياسات دەپارتامەنتى ديرەكتورىنىڭ مىندەتىن اتقارۋشى.
سونىمەن قاتار، كوروناۆيرۋس ينفەكسياسىنا باكتەريالىق ينفەكسيا قوسىلسا، پنيەۆمونيانى ەمدەۋگە ارنالعان ءدارى- دارمەك پەن انتيبيوتيكتەر تەگىن بەرىلەدى. ناۋقاستىڭ جاعدايى ناشارلاي تۇسسە، كۇندىزگى ستاتسيونارعا جاتقىزۋ نەمەسە ستاتسيونارلىق ەم قابىلداۋ سياقتى مەديتسينالىق كومەك ءتۇرى ۇسىنىلادى.
«س ك- فارماتسيا» ج ش س 44 تاۋاردىڭ قورىن ساتىپ الدى. بۇل ءدال قازىر ساتىپ الىناتىن جانە ايماقتىق قويمالاردا، سونداي-اق مەديتسينالىق ۇيىمداردا بار انتيبيوتيكتەر، انتيكواگۋليانتتار، ستەرويدتى ەمەس گورموندار. كولەمى جەتكىلىكتى. سونىمەن قاتار، ءدارىحانالارداعى ءدارى- دارمەك قورى ازايىپ كەتسە نەمەسە كەيبىر ءدارى- دارمەكتەر بولماي قالسا - ايماقتاردا جەرگىلىكتى بيۋدجەت ەسەبىنەن تۇراقتاندىرۋ قورلارى قۇرىلدى»، - دەيدى بوتاگوز سىزدىقوۆا.
ول شەكتى باعالارى تومەندەتىلگەن ءدارى- دارمەكتەر كوروناۆيرۋس ينفەكسياسىن ەمدەۋگە ارنالعان ءدارى- دارمەكتەر ەكەنىن ايتتى. ولاردىڭ شەكتى باعاسىن دەنساۋلىق ساقتاۋ مينيسترلىگى كوروناۆيرۋستى ەمدەۋدىڭ كلينيكالىق قاۋلىسى نەگىزىندە بەكىتكەن.
«وسى تىزىمگە كوروناۆيرۋستىق ينفەكسيانى ەمدەۋگە قاتىسى جوق ءدارى- دارمەكتەردى ەنگىزۋ تۋرالى ايتاتىن بولسام، قازىرگى ۋاقىتتا دەنساۋلىق ساقتاۋ مينيسترلىگىندە كوتەرمە جانە بولشەك ساۋدادا باعالاردىڭ جاڭا شەگىن بەلگىلەۋگە قاتىستى جوبا بار، وندا وسى ءدارى- دارمەكتەرگە دە قاتىستى شەكتى باعا بەلگىلەنەدى»، - دەدى ول.
