ءماجىلىس تولىق جاڭاردى - ساياساتتانۋشى قازبەك مايگەلدينوۆ
ساراپشى پارلامەنتتىڭ جاڭا قۇرامى قول جەتكىزىلگەن قوعامدىق-ساياسي كەلىسىمنىڭ ناتيجەسى ەكەنىن اتاپ ءوتتى، دەپ حابارلايدى قازاقپارات ءتىلشىسى.
«سايلاۋ ءبىرقالىپتى، جاقسى ءوتتى. باستاپقىدا-اق سايلاۋدى قاۋىپسىزدىك شارالارى مەن سانيتارلىق-ەپيدەميولوگيالىق نورمانى ساقتاي وتىرىپ وتكىزۋ جوسپارلانعان. بۇل ەلىمىزدەگى ازاماتتاردىڭ ساياسي ساۋاتتىلىعى مەن جوعارى ۇيىمشىلدىعىن بىلدىرەدى»، - دەيدى قازبەك مايگەلدينوۆ.
ونىڭ ايتۋىنشا، ۇگىت-ناسيحات جۇمىستارى كەزىندە ساياسي پارتيالار ماقساتتى اۋديتورياعا كوڭىل بولگەن.
«%7 شەكتەن وتە الماعان پارتيالار كەز كەلگەن جاعدايدا ايماقتارداعى پوزيتسيالارىن نىعايتادى جانە ايماقتىق كۇن ءتارتىبىن قۇرۋعا بەلسەندى قاتىسادى. بۇل سايلاۋدىڭ باستى ارتىقشىلىعى - ايماقتارداعى پارتيالاردىڭ پوزيتسيالارىن نىعايتۋ جانە ايماقتىق ساياسي پروتسەستەردى جانداندىرۋ. بيىلعى سايلاۋ ناۋقانىندا ءبىز ۇكىمەتتىك ەمەس سەكتور مەن قاراپايىم ازاماتتاردىڭ سايلاۋدى بايقاۋ ۇدەرىسىنە زور قىزىعۋشىلىعىن بايقادىق»، - دەيدى ول.
سونداي-اق، ول ق ر پارلامەنتى ءماجىلىسىنىڭ دەپۋتاتتىعىنا كانديداتتاردىڭ بەكىتىلگەن تىزىمىنە قاتىستى ويىن ايتتى.
«Nur Otan» مەن «اق جول» پارتياسى ءتىزىمدى جاريالاپ قويدى.
«جالپى پارلامەنتتىڭ جاڭا قۇرامى قول جەتكىزىلگەن قوعامدىق-ساياسي كەلىسىمنىڭ ناتيجەسى. ولار پرەزيدەنت رەفورمالارىنىڭ جاڭا پاكەتىن جۇزەگە اسىرۋعا تىكەلەي قاتىسادى. بۇل ۇلكەن جاۋاپكەرشىلىكتى تالاپ ەتەدى. ساياسي رەفورمالاردىڭ العاشقى پاكەتى ءوز جەمىسىن بەردى. مۇنىڭ تاعى ءبىر دالەلى - تۇراقتى سايلاۋ پروتسەسى. شىن مانىندە، بارلىق تىزىمدەر جاڭا كەلبەتكە يە. بۇل پارلامەنت ءماجىلىسىنىڭ تولىعىمەن جاڭارعانىنىڭ باستى كورسەتكىشى. سونىمەن قاتار، كۆوتانىڭ %30 ەسەبىنەن دەپۋتاتتار قۇرامى جاسارادى. ءماجىلىس موبيلدى جانە ءتيىمدى بولۋى كەرەك»، - دەيدى ساياساتتانۋشى.
