ق ر ت ج م قازاقستان تۇرعىندارىنا اۋا رايىنا بايلانىستى ەسكەرتۋ جاسادى

بۇل تۋرالى قازاقپارات ق ر توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

باسپا ءسوز قىزمەتىنىڭ مالىمەتتەرىنە قاراعاندا، كولىك قوزعالىسى نۇر-سۇلتان قالاسى، سولتۇستىك قازاقستان، اقمولا، قوستاناي، پاۆلودار، قاراعاندى وبلىستارىنداعى جولداردا شەكتەلدى. سونىمەن قاتار «قازگيدرومەت» ر م ك دەرەكتەرى بويىنشا الداعى كۇندەرى ەلىمىزدىڭ سەگىز وڭىرىندە نۇر-سۇلتان قالاسىندا، سولتۇستىك قازاقستان، اقمولا، قوستاناي، پاۆلودار، قاراعاندى، جامبىل، شىعىس قازاقستان وبلىستارىنىڭ كەي جەرلەرىندە بۇرقاسىن بولىپ، قار جاۋادى، تۇمان تۇسەدى، جەلدىڭ جىلدامدىعى سەكۋندىنا 15-20 مەترگە جەتەدى.

«ازاماتتاردى اۋا-رايىنىڭ وزگەرىستەرىن باقىلاپ وتىرۋعا شاقىرامىز. اۋا رايىنا بايلانىستى ەسكەرتۋ تۋرالى حابارلامالاردى تىڭداپ، قاجەتتى ساقتىق شارالارىن ساقتاڭىزدار!. قىس ماۋسىمىندا كولىكپەن الىس جولدارعا شىقپاس بۇرىن، اۋا رايى بولجامىن مىندەتتى تۇردە ءبىلىپ العان ءجون. ەگەر قاتتى بوران، بۇرقاسىن بولسا، جول كەپتەلىسىندە ۇزاق تۇرىپ قالۋىڭىز مۇمكىن. ءتىپتى جول-كولىك وقيعاسىنا دا تاپ بولۋىڭىز ىقتيمال. ەگەر قانداي دا ءبىر ەلدى مەكەنگە شۇعىل بارۋىڭىز كەرەك بولسا، دىتتەگەن جەرىڭىزگە كەدەرگىسىز جەتۋ ءۇشىن تەمىرجول كولىگىن پايدالانۋعا كەڭەس بەرەمىز»، - دەلىنگەن حابارلامادا.

سونداي-اق باسپا ءسوز قىزمەتى تومەندە كەلتىرىلگەن قاراپايىم تالاپتاردى نازاردا ۇستاۋدى ۇسىنادى.

قىستا جولعا شىعار الدىندا:

1. مۇقيات اۋا رايى بولجامىن زەردەلەڭىز؛

2. قوزعالىس ءۇشىن قانداي جولدار جابىلۋى مۇمكىن ەكەنىن انىقتاڭىز. اقپاراتتى «قازاۆتوجول» ۇ ك سايتىندا تولىعىمەن جابىق ۋچاسكەلەردىڭ كارتاسىن كورۋگە بولادى. نە بولماسا ءبىرىڭعاي تەلەفون ءنومىرى 1403 نەمەسە قۇتقارۋ قىزمەتىنىڭ «112» تەلەفون ءنومىرى، سونداي-اق «دارمەن» موبيلدى قوسىمشاسى ارقىلى ناقتىلاۋعا بولادى.

«112» قىزمەتىنەن رەسمي اۋا رايىنا بايلانىستى ەسكەرتۋ العان جاعدايدا ەلدى مەكەندەردەن جانە جولعا شىعۋدان باس تارتا تۇرۋ قاجەت.

شۇعىل قىزمەتتەر اۆتوموبيلدەردى لەكتىك ىلەسىپ جۇرۋگە شەشىم قابىلداعان جاعدايدا:

- جول قوزعالىسى ەرەجەلەرىن ساقتاڭىز؛

- ىلەسىپ جۇرەتىن شۇعىل قىزمەت بەلگىلەگەن جىلدامدىق رەجيمىن ساقتاڭىز؛

- وتكىزۋ پۋنكتىنەن شىققان اۆتوموبيلدىڭ ارتىنان ىلەسىڭىز جانە ونى باسىپ وزباڭىز؛

- الدىندا كەلە جاتقان اۆتوموبيلدىڭ اراسىنداعى قاشىقتىقتى ساقتاڭىز؛

- الداعى اۆتوموبيلدەردى باسىپ وزۋعا بولمايدى؛

- اينالاڭداعى قوزعالىسقا ۇلكەن ءمان بەرىڭىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى