ماجىلىسكە دەپۋتات بولىپ بەدەلدى قوعام قايراتكەرلەرى كەلدى - ساراپشى

«ءتىزىم ەلەۋلى تۇردە جاڭارعانىن بايقادىق. جاڭا ادامدار كەلگەن. وسى ورايدا ماجىلىستە كوتەرىلەتىن ماسەلەلەرگە ايتارلىقتاي ىقپال ەتە الاتىن قوعام قايراتكەرلەرى بار»، - دەپ توقتالدى ساراپشى.

م. نۇرعاليەۆانىڭ ايتۋىنشا، «Nur Otan» پارتياسىنان ءماجىلىس دەپۋتاتتارىنىڭ تىزىمىندەگى ەرلان سايىروۆ، ايدوس سارىم، قانات نۇروۆ سياقتى ازاماتتار ساراپشىلار قوعامداستىعىندا ۇلكەن بەدەلگە يە. ولار ءبىرقاتار سالماقتى باستامالارىمەن ەلدىڭ دامۋىنا ۇلەس قوسىپ كەلەدى.

«بۇل ادامدار قوعامداعى ماسەلەلەردى وتە جاقسى بىلەدى. ولار وتە ساۋاتتى ءارى پاتريوت ازاماتتار. سوندىقتان قازاقستاننىڭ بولاشاعى ءۇشىن ارەكەت ەتەتىن وسىنداي ادامداردىڭ ناتيجەلى ەڭبەگىن كورەمىز دەگەن ويدامىن. ماجىلىستە دەپۋتات رەتىندە جۇمىسىنا كىرىسە وتىرىپ، ولار ەل ءۇشىن كۇش-جىگەرىن سالاتىن قوعام قايراتكەرلەرى»، - دەدى ءمادينا نۇرعاليەۆا.

ايتا كەتەيىك، ماجىلىستەگى «Nur Otan» پارتياسى فراكسياسىنىڭ قۇرامى %70 كە جاڭاردى. ورتاشا جاسى - 49، ياعني 4 جىلعا جاساردى. دەپۋتاتتىققا كانديداتتاردىڭ 7 ءۋى عانا بۇرىنعى مەملەكەتتىك قىزمەتكەر، ياعني فراكسيا قۇرامىندا ولاردىڭ سانى %10 تەن اسپايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى