كوروناۆيرۋسقا قارسى ۆاكسينا سالدىرعان قازاقستاندىق قازىرگى جاعدايىن ايتتى
داۋرەن ءادىلباي - الماتىداعى بەلگىلى ونكولوگ- حيرۋرگ، قازىر Memorial Sloan Kettering Cancer Center- دە عىلىمي زەرتتەۋلەرمەن اينالىسادى. امەريكالىق جانە ەۋروپالىق ونكولوگتار قاۋىمداستىعىنىڭ مۇشەسى. IFHNOS جانە APTS باسقارۋشى كەڭەسىنىڭ مۇشەسى. ەكى جىلدان بەرى نيۋ-يوركتە تۇرادى جانە جۇمىس ىستەيدى.
«مەن وزىمە «مودەرنا « ۆاكسيناسىنىڭ العاشقى دوزاسىن سالدىردىم. ەكى اپتادان كەيىن مەندە كوروناۆيرۋسقا قارسى 80 پايىز، ال ەكىنشى دوزادان كەيىن 95 پايىز قورعانىس بولادى. مۇمكىندىك پايدا بولعاننان كەيىن مىندەتتى تۇردە ۆاكسينا سالدىرىڭىز، تەك ۆاكسينا بىزگە وسى داعدارىستى جەڭۋگە كومەكتەسەدى»، - دەپ جازدى ءادىلباي Facebook جەلىسىندەگى پاراقشاسىندا.
دارىگەر قازىر جاعدايى جاقسى ەكەنىن ايتتى. ۆاكسينا يىعىنا سالىنعان ەكەن.
«ۆاكسيناتسياعا بىرنەشە كۇن بۇرىن جازىلعان بولاتىنمىن. ءبىزدىڭ Memorial Sloan Kettering Cancer Center اۋرۋحاناسى بارلىق قىزمەتكەرىن ۆاكسيناتسيالاۋ ءۇشىن جەتكىلىكتى ۆاكسينالار ساتىپ الدى. مەن ۆاكسينانى ءبىزدىڭ ۇيىمنىڭ العاشقىلاردىڭ ءبىرى بولىپ سالدىرعان شىعارمىن»، - دەدى داۋرەن ءادىلباي.
