ۇلى بريتانيادا ەكى ميلليون ادامعا كوروناۆيرۋسقا قارسى ۆاكسينا ەگىلدى

كورمە ورتالىقتارى مەن فۋتبول ستاديوندارى، كورولدىك وتباسىنىڭ تانىمال يپپودرومىنىڭ جانىندا ادامدارعا ەكپە ەگۋ ورىندارى ۇيىمداستىرىلۋدا، دەپ حابارلايدى قازاقپارات BBC اگەنتتىگىنە سىلتەمە جاساپ.

جاپپاي ۆاكسينالاۋعا ارتىلىپ وتىرعان سەنىم جوعارى، سەبەبى ەلدە كوروناۆيرۋستىڭ «بريتاندىق شتاممىن» جۇقتىرعاندار سانى ءوسىپ كەلەدى. جالپى بريتانيانىڭ ەكى ميلليون تۇرعىن اۋرۋعا قارسى ەكپە الدى. ەل بيلىگى كۇزگە قاراي بريتانيانىڭ بارلىق ەرەسەك تۇرعىندارىنا ەكپە جاساۋدى جوسپارلاپ وتىر. ەسكە سالساق، ۇلى بريتانيادا B.1.1.7 اتاۋلى كوروناۆيرۋستىڭ جاڭا شتامى انىقتالدى. كەيىن ول الەمنىڭ 41 ەلىنە جانە رەسەيگە تاراپ ۇلگەردى. كوروناۆيرۋستىڭ جاڭا شتامى تۋرالى تولىق مالىمەتتەردى مىنا جەردەن كورۋگە بولادى. ازىرگە قازاقستاندا مۇنداي شتامى بار اۋىرۋ بەلگىلەرى تىركەلگەن جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى