ترامپ بەيبىت جولمەن بيلىكتى تاپسىرۋدان باس تارتتى دەپ ايىپتالۋدا
دەموكراتتار 6-قاڭتاردا ا ق ش كونگرەسىندەگى تارتىپسىزدىكتەرگە بايلانىستى ترامپ قىزمەتىندە قالعان جاعدايدا «ۇلتتىق قاۋىپسىزدىككە، دەموكراتيا مەن كونستيتۋتسياعا قاۋىپ توندىرەتىنىنە» سەنىمدى. ول بەيبىت جولمەن بيلىكتى تاپسىرۋدان باس تارتتى دەپ ايىپتالۋدا.
كاپيتوليگە شەرۋشىلەر باسىپ كىرەر الدىندا ايتقان سوزىندە ول سايلاۋدا جەڭگەنىن ءمالىم ەتكەن. رەزوليۋتسيا اۆتورلارى ترامپقا الداعى ۋاقىتتا سايلانبالى لاۋازىمعا بارۋىنا تىيىم سالۋعا شاقىرادى. وكىلدەر پالاتاسىنىڭ قاراۋىنا رەزوليۋتسيا 13-قاڭتاردا جىبەرىلۋى مۇمكىن. جاڭا سايلانعان پرەزيدەنت دجو بايدەندى ۇلىقتاۋ راسىمىنەن بىرنەشە كۇن بۇرىن ترامپتى قىزمەتىنەن تايدىرۋ ءۇشىن پارلامەنتاريلەردىڭ ۇشتەن ەكىسى ۇسىنىستى قولداپ داۋىس بەرۋى ءتيىس. الايدا بۇعان دەيىن رەسپۋبليكاشىلاردىڭ كوبى بۇل باستاماعا قارسى شىققان بولاتىن. كەم دەگەندە 218 دەموكراتشىل كونگرەسسمەن قۇجاتتى قولدايتىنىن مالىمدەگەن. بۇل اتالمىش ۇسىنىستى وكىلدەر پالاتاسىندا قابىلداۋدى قولداۋعا جەتكىلىكتى. سودان سوڭ عانا دەموكراتشىلدار يمپيچمەنت ءىسىن قوزعاي الادى.
