پۋتين، پاشينيان مەن اليەۆ تاۋلى قاراباقتاعى ينفراقۇرىلىمدىق جوبالاردى بىرگە دامىتپاق
ايتا كەتەيىك، ماسكەۋدە ر ف پرەزيدەنتى ۆلاديمير پۋتين، ازەربايجان پرەزيدەنتى يلحام اليەۆ پەن ارمەنيا پرەمەر-ءمينيسترى نيكولا پاشينياننىڭ كەلىسسوزى اياقتالدى.
ءۇشجاقتى كەزدەسۋ 4 ساعاتقا سوزىلدى. وسىعان دەيىن پۋتيننىڭ ازەربايجاندىق جانە ارميان ارىپتەسىمەن جەكە-جەكە ەكىجاقتى كەزدەسۋ وتكىزەتىنى دە حابارلانعان بولاتىن.
ءۇشجاقتى كەزدەسۋ جابىق ەسىك جاعدايىندا ءوتتى. تەك پۋتين عانا كەزدەسۋ باستالار الدىندا كوپشىلىك الدىندا ءسوز سويلەدى.
رەسەي پرەزيدەنتى ازەربايجان جانە ارمەنيامەن تاتۋ كورشىلىك قارىم-قاتىناستى جاقسى باعالايتىنىن، سونداي-اق ازەربايجان مەن ارمەنيا تاراپىنىڭ رەسەيدىڭ تاۋلى قاراباقتاعى اتىستى توقتاتۋ جونىندەگى «دەلدالدىق» ارەكەتىنە قولداۋ كورسەتكەنىنە ريزاشىلىعىن ءبىلدىردى.
پۋتين 2020-جىلدىڭ قاراشاسىندا جاسالعان كەلىسىمدەر رەت-رەتىمەن جۇزەگە اسىرىلىپ جاتقانىن جانە وسى ارەكەتتىڭ تاۋىل قاراباقتاعى شيەلەنىستى ارمەنيا مەن ازەربايجان حالقىنىڭ مۇددەسىنە ساي، ءادىل رەتتەۋگە ۇزاق مەرزىمدى ءارى تولىققاندى نەگىز قالايتىنىن اتاپ ءوتتى.
