قىرعىزستاننىڭ جاڭا پرەزيدەنتى: ماعان ارتقان ءۇمىتتى اقتاۋ ءۇشىن بار كۇشىمدى سالامىن
وسى ەلدىڭ ورتالىق سايلاۋ كوميسسياسىنىڭ جاريالاعان قورىتىندىسى بويىنشا ول سايلاۋشىلاردىڭ 80 پروتسەنتتەن استام داۋىسىن جيناعان. ەكىنشى ورىنعا شىققان اداحان مادۋماروۆ سايلاۋشىلاردىڭ 6 پروتسەنتتەن استام داۋىسىنا يە بولعان. قالعان كانديداتتار 3 پروتسەنتتەن اسا المادى. ال رەفەرەندۋمدا حالىقتىڭ باسىم بولىگى ەلدەگى ساياسي جۇيەسىنىڭ وزگەرۋىن قولداپ داۋىس بەردى. رەسمي دەرەككە قاراعاندا، سايلاۋشىلاردىڭ 81 پروتسەنتى پرەزيدەنتتىك باسقارۋعا كوشۋدى قولداعان.
ەسكە سالا كەتەيىك، قىرعىزستاندا كەشە كەزەكتەن تىس پرەزيدەنتتىك سايلاۋمەن بىرگە ەلدىڭ باسقارۋ جۇيەسىن وزگەرتۋ تۋرالى رەفەرەندۋم ءوتتى.
سادىر جاپاروۆ، قىرعىز رەسپۋبليكاسىنىڭ جاڭادان سايلانعان پرەزيدەنتى:
- قۇرمەتتى حالقىم، سىزدەردىڭ ماعان سەنىم ارتىپ، قولداۋ كورسەتكەندەرىڭىز ءۇشىن العىسىمدى بىلدىرەمىن. سىزدەردىڭ داۋىستارىڭىز ماعان كۇش بەردى. سەنىمىمدى نىعايتتى. مەن سىزدەر ارتقان ءۇمىتتى اقتاۋ ءۇشىن بار كۇشىمدى سالامىن.
