وقۋشىلار ءۇشىنشى توقساندى قاي كۇننەن باستاپ وقيدى؟

مۇنداي اقپاراتتى ق ر دسم سانيتارلىق-ەپيدەميولوگيالىق باقىلاۋ كوميتەتى ۇسىندى، دەپ حابارلايدى قازاقپارات ءتىلشىسى.

ۆەدومستۆو مالىمەتىنشە، ق ر باس مەملەكەتتىك سانيتار دارىگەرىنىڭ 29- جەلتوقسانداعى قاۋلىسىنا سايكەس، سايلاۋ ۋچاسكەلەرى رەتىندە جۇمىلدىرىلعان ءبىلىم نىساندارى سايلاۋ اياقتالعاننان كەيىن زارارسىزداندىرىلادى. ياعني، 10- جانە 11- قاڭتار كۇندەرى داۋىس بەرۋ جۇرگىزىلگەن اتالعان نىسانداردا تازالىق جۇمىسى جۇرگىزىلەدى.

«وسىعان وراي 10- قاڭتاردا زارارسىزداندىرۋ ءىس-شارالارى جۇرگىزىلگەننەن كەيىن ەلىمىزدىڭ 6 وڭىرىندە، اتاپ ايتقاندا سولتۇستىك قازاقستان، پاۆلودار، جامبىل، قوستاناي، قىزىلوردا وبلىستارىندا جانە شىمكەنت قالاسىندا 2020-2021 وقۋ جىلىنىڭ 3-توقسانىندا وفلاين-رەجيمدە بەلگىلەنگەن وقۋ پروتسەسى 11- قاڭتاردا باستالادى. رەسپۋبليكانىڭ 11 وڭىرىندە - تۇركىستان، اقتوبە، اقمولا، اتىراۋ، باتىس قازاقستان، الماتى، شىعىس قازاقستان، قاراعاندى، ماڭعىستاۋ وبلىستارىندا جانە الماتى مەن نۇر-سۇلتان قالالارىندا وقۋ 12- قاڭتاردا باستالادى» دەپ اتاپ وتەدى كوميتەتتەن.

تاراتىلعان مالىمەتكە قاراعاندا، رەسپۋبليكا اۋماعىندا 7090 مەكتەپتىڭ 5522 ءسىنىڭ، 6651 بالاباقشانىڭ 143 ءىنىڭ، 644 ورتا ءبىلىم بەرۋ مەكەمەسىنىڭ 215 ءىنىڭ، 125 جوعارى وقۋ ورنىنىڭ 53 ءىنىڭ، 114 مەكتەپ-ينتەرنات، سپورت مەكتەبى ج و و جاتاقحانالارىنىڭ 22 ءسىنىڭ بازاسىندا سايلاۋ ۋچاسكەسى قۇرىلدى. سونىمەن قاتار وزگە دە ءبىلىم نىساندارىندا (وقۋشىلار سارايى، شىعارماشالىق، ءۇي، مۋزىكا مەكتەبى) 12 سايلاۋ ۋچاسكەسى ۇيىمداستىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى