قازاقستان پرەزيدەنتى ا ق ش- تاعى احۋالعا قاتىستى پىكىر ءبىلدىردى
«البەتتە، بۇكىل الەم سياقتى قازاقستان دا امەريكا قۇراما شتاتتارىندا ورىن العان جايتتى ءجىتى باقىلاپ وتىر. سايلانعان پرەزيدەنت دجو بايدەن جاساعان قورىتىندىمەن كەلىسۋ قاجەت دەپ سانايمىن. امەريكالىق دەموكراتيانىڭ قامالى - كاپيتوليانى باسىپ الۋ زاڭسىزدىق ەكسترەميزم ەكەندىگى ءسوزسىز. زاڭسىزدىق پەن ەكسترەميزمگە قاتىستى ءتيىستى شارا قولدانىلۋى ءتيىس. ا ق ش پرەزيدەنتى دجو بايدەن جاساعان قورىتىندى وزگە دە ەلدەرگە قاتىستى قولدانىلادى دەپ ۇمىتتەنەمىن. جانە دە بۇل قورىتىندى امبەباپ بولادى»، - دەدى قاسىم-جومارت توقايەۆ ەلورداداعى وقۋشىلار سارايىندا ورنالاسقان 58№ سايلاۋ ۋچاسكەسىندە تاڭداۋ جاساعاننان كەيىن ب ا ق وكىلدەرىنە بەرگەن سۇحباتىندا.
سونىمەن قاتار مەملەكەت باسشىسى قازاقستان مەن ا ق ش اراسىنداعى قارىم-قاتىناس تۇراقتى دامي تۇسەتىندىگىن باسا ايتتى.
«ا ق ش 1991-جىلى قازاقستاننىڭ تاۋەلسىزدىگىن مويىنداعان العاشقى ەلدەردىڭ ءبىرى بولدى. سوندىقتان ءبىزدىڭ تاراپىمىزدان ءوزارا قارىم-قاتىناستارىمىزدا جيناقتالعان بارلىق پوزيتيۆتى ساقتاۋعا جانە العا جىلجۋعا قاجەتتى كۇش-جىگەر قابىلدانادى»، - دەدى ق ر پرەزيدەنتى.
