«اۋىل» پارتياسىنىڭ ءتوراعاسى ءوز تاڭداۋىن جاسادى
«بۇگىن حالىق ءوز قالاۋىن جاسايدى. ءبىزدىڭ پارتيا سايلاۋالدى ۇگىت-ناسيحات جۇمىستارىن ءتيىستى دەڭگەيدە جۇرگىزدى. سوندىقتان بۇل سايلاۋدان ءبىزدىڭ پارتيانىڭ ءۇمىتى زور. مەن ءوزىم ءبىراز سايلاۋعا قاتىستىم، ءبىراق بۇل سايلاۋدىڭ ورنى ەرەكشە. سەبەبى پارتيالار اراسىندا شىنايى تايتالاس ءوتتى جانە بارلىعىنا تەڭدەي مۇمكىندىك بەرىلدى. ءار پارتيا ءوز مۇمكىندىگىن كورسەتىپ، داۋىس جيناۋ ءۇشىن ەلدى ارالاپ ۇگىت-ناسيحات جۇمىستارىن جۇرگىزدى»، - دەدى ءالي بەكتايەۆ.
ونىڭ ايتۋىنشا، سايلاۋالدى ۇگىت-ناسيحات جۇمىستارى تولىقتاي زاڭ اياسىندا جۇرگىزىلدى.
«ورتالىق سايلاۋ كوميسسياسى، مەملەكەتتىك قۇزىرلى ورگاندار جانە ب ا ق- تا بارلىق پارتيالار ءۇشىن تەڭدەي جاعداي جاسالدى. ءبىر عانا كەدەرگى تانىتقان ول پاندەميا جاعدايى. جۇمىس كەزىندە بارىنشا سانيتارلىق تالاپتاردى قاتاڭ ساقتاۋعا تۋرا كەلدى. اسىرەسە حالىقپەن كەزدەسۋ كەزىندە. ەڭ باستىسى ءار ازامات ءوزىنىڭ كونستيتۋتسيالىق قۇقىعىن دۇرىس ءارى ەركىن پايدالانا بىلسە بولعانى»، - دەيدى ول.
ايتا كەتسەك، «اۋىل» پارتياسىنىڭ ءتوراعاسى ەلورداداعى 66 مەكتەپتە ورنالاسقان 113 سايلاۋ ۋچاسكەسىندە داۋىس بەردى.
