بۇرقاسىن، كوكتايعاق: بىرنەشە وڭىردە ەسكەرتۋ جاريالاندى

اتاپ ايتقاندا، كۇندىز 9- قاڭتاردا اقتوبە وبلىسىنىڭ كەي جەرلەرىندە جاياۋ بۇرقاسىن كۇتىلەدى. وڭتۇستىكتەن جەل سوعادى، ەكپىنى 18 م/س ارتادى.

9-13- قاڭتاردا جامبىل وبلىسىنىڭ كەي جەرلەرىندە تۇمان بولادى. 12-13- قاڭتاردا كەي جەرلەردە كوكتايعاق، جاياۋ بۇرقاسىن بولجانادى.

9- قاڭتاردا كۇندىز، 10-13- قاڭتاردا تاۋلىك بويى وڭتۇستىك-شىعىستان سوعاتىن جەل وڭتۇستىك-باتىسقا اۋىسىپ، كۇشى 15-20 م/س ارتادى.

12، 13 قاڭتاردا ەكپىنى 23-28 م/س كۇشەيەدى. 9- قاڭتاردا سولتۇستىك قازاقستان وبلىسىنىڭ كەي جەرلەرىندە تۇمان، جاياۋ بۇرقاسىن كۇتىلەدى.

وڭتۇستىك-باتىس جەلىنىڭ كۇشى 15-20 م/س ارتادى. 9- قاڭتاردا تۇركىستان وبلىسىنىڭ كەي جەرلەرىندە تۇمان بولادى.

9- قاڭتار باتىس قازاقستان وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى. جەل وڭتۇستىك-شىعىستان سوعادى، كۇشى 15-20 م/س ارتادى.

9- قاڭتاردا قوستاناي وبلىسىنىڭ كەي جەرلەرىندە جاياۋ بۇرقاسىن، تۇمان كۇتىلەدى. وڭتۇستىكتەن جەل سوعادى، كۇشى كەي جەرلەردە 15-20 م/س جەتەدى.

كۇندىز 9- قاڭتاردا اقمولا وبلىسىندا جاياۋ بۇرقاسىن جۇرەدى. وڭتۇستىك-باتىس جەلى كەي جەرلەردە 15-20 م/س كۇشەيەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى